ଛେଣ୍ଡିପଦା – ଟଙ୍କା ଦେଲେ ଚାକିରୀ କାରାଇ ଦେବାକୁ କହି ଘରୁ ଡାକି ଆଣିଲେ । ଚାକିରୀ କରାଇ ଦେବେ କଣ , ବଂର ଟଙ୍କା ନେଇ ଯାଇ ପଥରରେ ଛେଚି ଯୁବକଙ୍କୁ ମାରିଦେଲେ । ଏଭଳି ଅଭାବନୀୟ ଘଟଣା ଅନୁଗୁଳ ଜିଲ୍ଲା ନିଶା ଶିଳ୍ପାଞ୍ଚଳ ଥାନା କଙ୍କରେଇ ନାଳ ନିକଟରେ ଘଟିଛି ।
ନିଶା ଶିଳ୍ପାଞ୍ଚଳ ଥାନା କଙ୍କରେଇ ନାଳ ନିକଟରେ ଜଣେ ଯୁବକଙ୍କୁ ହତ୍ୟା କରିବା ଅଭିଯୋଗରେ ନିଶା ଶିଳ୍ପାଞ୍ଚଳ ପୁଲିସ ଜଣଙ୍କୁ ଗିରଫ କରିବା ସହିତ ମୃତଦେହ ଜବତ କରି ଘଟଣାର ଛାନ ଭିନ ଚଲାଇଛି l ମୃତକ ଜଣଙ୍କ ହେଲେ ସମ୍ବଲପୁର ଜିଲ୍ଲା କତରାବାଗ ଥାନା ଅଞ୍ଚଳର ଲୋକନାଥ ମେହେର ବୋଲି ଜଣାପଡିଛି l ଏ ନେଇ ପରିବାର ଲୋକେ ନିଶା ଶିଳ୍ପାଞ୍ଚଳ ଥାନାରେ ହତ୍ୟା କରାଯାଇଥିବା ନେଇ ଲିଖିତ ଅଭିଯୋଗ ଆଣିଛନ୍ତି l ପୁଲିସ ସୂଚନା ଅନୁସାରେ ସମ୍ବଲପୁର କତରାବାଗ ଥାନା ଅଞ୍ଚଳର ଲୋକନାଥ ମେହେର ତାଳଚେରର ଏକ କୋଇଲା ଖଣିରେ ଚାକିରୀ କରାଇଦେବା ପାଇଁ ବ୍ରଜରାଜନଗରର ଅମିତ କୁମାର ବଢ଼େଇଙ୍କୁ ୯୫ ହଜାର ଟଙ୍କା ଦେଇଥିଲେ l ଅନେକ ଦିନ ବିତି ଯାଇଥିଲେ ମଧ୍ୟ ଅମିତ କମ୍ପାନୀରେ ଚାକିରୀ ଦେଇନଥିଲେ l ତେଣୁ ଉକ୍ତ ଟଙ୍କା ଫେରେଇ ଦେବାକୁ ଲୋକନାଥ କହିଥିଲେ l ବାରମ୍ବାର ମାଗିବା ପରେ ଲୋକନାଥଙ୍କୁ ନିଯୁକ୍ତି ଦେବାକୁ କହି ଗତ ୪ ତାରିଖରେ ଲୋକନାଥଙ୍କୁ ଧରି ଅମିତ ଅନୁଗୁଳରେ ପହଞ୍ଚିଥିଲେ । ସେଠାରୁ ଅମିତ ଏକ ବାଇକ୍ରେ ଲୋକନାଥଙ୍କୁ ବସାଇ ହିଙ୍ଗୁଳା ଖଣିକୁ ଯିବେ ବୋଲି କହି ନିଶା ଶିଳ୍ପାଞ୍ଚଳ ଥାନା କଙ୍କରେଇ ଆସିଥିଲେ । ତେବେ ଶୌଚ ହେବା ପାଇଁ ସେ କଙ୍କରେଇ ନାଳ ନିକଟରେ ଅଟକିଥିଲେ। ଲୋକନାଥଙ୍କୁ ରାସ୍ତାରୁ ହଟାଇବାକୁ ଯୋଜନା କରି ନାଳ ଭିତରେ ତାଙ୍କୁ ପଥର ଛେଚି ନିର୍ମମ ଭାବେ ହତ୍ୟା କରିଥିଲେ। ହତ୍ୟା କରିବା ପରେ ଅମିତ ଫେରାର ହୋଇଯାଇଥିଲେ । ଲୋକନାଥଙ୍କ ପରିବାର ଲୋକେ ଲୋକନାଥଙ୍କ ସହ ଯୋଗାଯୋଗ କରି ନପାରିବାରୁ ସେ ନିଖୋଜ ହୋଇଯାଇଥିବା ନେଇ ପରିବାର ଲୋକ କତରାବାଗ ଥାନାରେ ଅଭିଯୋଗ କରିଥିଲେ । ସମ୍ବଲପୁର ପୁଲିସ ଅମିତଙ୍କୁ ଅଟକ ରଖି ପଚରାଉଚରା କରିଥିଲା । ପଚରାଉଚରା ବେଳେ ଲୋକନାଥଙ୍କୁ କଙ୍କରେଇ ନାଳ ପାଖରେ ହତ୍ୟା କରିଥିବା ଅମିତ ମାନି ଯାଇଥିଲା । ପରେ କତରାବାଗ ଥାନା ପୁଲିସ ନିଶା ଶିଳ୍ପାଞ୍ଚଳ ଥାନା ପୁଲିସକୁ ହସ୍ତାନ୍ତର କରିଥିଲେ l ଏନେଇ ଲୋକନାଥଙ୍କ ପରିବାର ହତ୍ୟା କରାଯାଇ ଥିବା ନେଇ ନିଶା ଶିଳ୍ପାଞ୍ଚଳ ଥାନାରେ ଅଭିଯୋଗ କରିବା ପରେ ପୁଲିସ କଙ୍କରେଇ ନାଳ ନିକଟରୁ ଲୋକନାଥଙ୍କ ଗଳିତ ମୃତଦେହ ଉଦ୍ଧାର କରିଥିଲେ । ନିଶା ଶିଳ୍ପାଞ୍ଚଳ ଥାନା ପୁଲିସ ଏକ ହତ୍ୟା ମାମଲା ରୁଜୁ କରିବା ସହ ଅମିତକୁ ପଚରା ଉଚରା କରିବା ପରେ ସାଇଣ୍ଟିଫିକ ଟିମ ସହାୟତାରେ ତଦନ୍ତ ଚଳାଇଛି l
