ଅନୁଗୁଳ – ଅନୁଗୁଳ ଜିଲ୍ଲା ସାତକୋଶିଆ ଅଭୟାରଣ୍ୟ । ଏହି ପ୍ରାକୃତିକ ପରିବେଶ ଭରା ଅଭୟାରଣ୍ୟର ସୁରକ୍ଷା ପାଇଁ ବନ ବିଭାଗର ଅନେକ କଡା କଡି ନିୟମ ରହିଛି । ଏହା ଭିତରୁ ସାତକୋଶିଆ ଅଭୟାରଣ୍ୟ ଭିତରେ ବନ ଭୋଜି କରିବା ମନା । ଜଙ୍ଗଲ ଓ ବନ୍ୟା ଜ୍ନ୍ତୁଙ୍କ ସୁରକ୍ଷାକୁ ଦୃଷ୍ଟିରେ ରଖି ଏହି ନିୟମ କରା ଯାଇଥିବା ବେଳେ ଅଭୟାରଣ୍ୟର ବିଭିନ୍ନ ସ୍ଥାନରେ ବଣଭୋଜି କରବା ଏକ ଦଣ୍ଡନୀୟ ଅପରାଧ ବୋଲି ବୋର୍ଡ ଲଗା ଯାଇଛି । ହେଲେ ଏହି କୋର ଏରିଆରେ ଅନୁଗୁଳର ଜଣେ ୟୁ ଟ୍ଯୁବର ନିଜ ସାଙ୍ଗସାଥିଙ୍କ ସହ ବନ ଭୋଜି କରିବା ସହ ସାମାଜିକ ଗଣ ମାଧ୍ୟମରେ ଭିଡିଓ ଅପଲୋଡ କରିଛନ୍ତି । ଯାହା ଏବେ ଭାଇରାଲ ହେଉଥିବା ବେଳେ ଏହାକୁ ନାପସନ୍ଦ କରିଛନ୍ତି ପରିବେଶ ପ୍ରେମୀ । କୋର ଏରିଆରେ ଭୋଜି କରିଥିବା ଯୋଗୁଁ ସମ୍ପୃକ୍ତ ୟୁ ଟ୍ଯୁବରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଅନୁଗୁଳ ଜିଲ୍ଲାର ଜଣାଶୁଣା ୟୁ ଟ୍ଯୁବର ଇଶ୍ଵର ବେହେରା । ଯେ କି ଆମ ଘର ଟୋକା ନାମରେ ସାମାଜିକ ଗଣମାଧ୍ୟମରେ ବିଭିନ୍ନ ପ୍ରକାର କାମେଡି , ରୋଷେଇ ଆଦି ଭିଡିଓ କରି ବେଶ ପରିଚିତ । ହେଲେ ସେହି ଇଶ୍ଵର ବେହେରା ଏବେ ଆଇନ ଭାଙ୍ଗି ଆଇନର ଜାଲରେ ଛନ୍ଦି ହେବାକୁ ଯାଉଛନ୍ତି । ସୂଚନା ଅନୁସାରେ ଇଶ୍ଵର ତାଙ୍କ ସାମାଜିକ ଗଣମାଧ୍ୟମ ପୃଷ୍ଠା ଆମ ଘର ଟୋକାରେ ଗତ ତିନି ଚାରି ଦିନ ହେଲା କିଛି ଭିଡିଓ ଅପଲୋଡ କରିଛନ୍ତି । ଯାହାକି ସାତକୋଶିଆ ଅଭୟାରଣ୍ୟର ପୁରୁଣା କୋଟ ରୁ ଟିକରପଡ଼ା ରାସ୍ତାର ଭିଡିଓ । ଏହି ସବୁ ଭିଡିଓ ରେ ସେ ଆଉ ଆଉ ତାଙ୍କର କିଛି ସାଙ୍ଗ ଭୋଜି କରୁଥିବା ଦେଖା ଯାଉଛି । ସେ ଭିଡିଓରେ ମଧ୍ୟ ଏହା ଟିକରପଡା ଅଞ୍ଚଳର ବୋଲି କହୁଛନ୍ତି । ତେବେ ସାତକୋଶିଆର କୋର ଅଞ୍ଚଳରେ ସେ ଭୋଜି କରିବାକୁ ନେଇ ପ୍ରଶ୍ନ ଉଠିଛି । ଯେଉଁ ଅଞ୍ଚଳରେ ଭୋଜି ତ ଦୂରର କଥା ସେହି ଅଞ୍ଚଳରେ ଡିଆସିଲି କାଠିଟିଏ ମାରିବା ମନା , ସେହି ଅଞ୍ଚଳରେ ସମ୍ପୃକ୍ତ ୟୁ ଟ୍ଯୁବର କିଭଳି ଭୋଜି କରିବା ସହ ସାମାଜିକ ଗଣମାଧ୍ୟମରେ ଭିଡିଓ ପୋଷ୍ଟ କାଲେ ତାହା ପ୍ରଶ୍ନବାଚୀ । ଏହି ସବୁ ଭିଡିଓ ଭାଇରାଲ ପରେ ୟୁ ଟ୍ଯୁବର ଇଶ୍ଵର ବେହେରାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ପରିବେଶ ପ୍ରେମୀ ଓ ବୁଦ୍ଧିଜୀବୀ । ଏ ସମ୍ପର୍କରେ ଆମେ ସାତକୋଶିଆ ଡି ଏଫ ଓ ସରୋଜ ପଣ୍ଡାଙ୍କ ସହ ଯୋଗାଯୋଗ କରିଥିଲୁ । ତାଙ୍କ କହିବା କାଥା ଏହା କୋର ଅଞ୍ଚଳରେ ଭୋଜି କରା ଯାଉଥିବା ଭଳି ମାନେ ହେଉଛି । ଏହାର ତଦନ୍ତ ପାଇଁ ସେ ନିର୍ଦେଶ ଦେଇ ସାରିଛନ୍ତି । ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।
