ଅନୁଗୋଳ – ଅନୁଗୋଳ ଜିଲ୍ଲା ବଅଁରପାଳ ପୁଲିସ ସୋମବାର ସାଇକେଲରେ କୋଇଲା ଚୋରା ଚାଲାଣ କରୁଥିବା ୭ ଜଣଙ୍କୁ ଗିରଫ କରିଛି। ସୂଚନା ଅନୁସାରେ ତାଳଚେର କୋଇଲା ଖଣି ଅଞ୍ଚଳରୁ ସାଇକେଲରେ କୋଇଲା ଚୋରିକରି ବଜାରରେ ବିକ୍ରି କରିବାକୁ ନେଉଥିବା ବେଳେ ପୁଲିସ କଲିଏରୀ ଥାନା ଅନ୍ତର୍ଗତ ହାଣ୍ଡିଧୁଆ ଗାଁର ନଟ ବେହେରା(୪୦), ବଅଁରପାଳ ଥାନା ଅନ୍ତର୍ଗତ ବୁଢ଼ାପଙ୍କ ଗାଁର ବିଜୟ ନାଏକ(୬୦), କନ୍ଦର୍ପ ସାମଲ(୫୬), ଅପର୍ତୀପୁର ଗାଁର ପୂର୍ଣ୍ଣଚନ୍ଦ୍ର ଭୋଇ(୪୭), ଗୋତମରା ଗାଁର ଜ୍ଞାନୀ ବେହେରା(୬୫), ମହେଶ୍ବର ନାଏକ(୩୦) ଓ ନିରାକାରପୁର ଗାଁର ରାଜେନ୍ଦ୍ର ନାଏକ(୪୯)ଙ୍କୁ ଗିରଫକରି ୭ଟି ସାଇକେଲ ଓ ୧୩.୫ କ୍ବିଣ୍ଟାଲ କୋଇଲା ଜବତକରି ଏକ ମାମଲା ରୁଜୁକରି କୋର୍ଟ ଚାଲାଣ କରିଛି।