କୁକୁଡା ଫାର୍ମ ତଳେ ଅଣ୍ଡରଗ୍ରାଉଣ୍ଡ ଡିପୋ – ବିପୁଳ ପରିମାଣର ମଦ ଜବତ

ଅନୁଗୁଳ – ଅନୁଗୁଳ ଜିଲ୍ଲା ଜରାସିଂହା ଗ୍ରାମରେ ଆଜି ସନ୍ଧ୍ୟାରେ ଅନୁଗୁଳ ସ୍ପେସିଆଲ ସ୍କ୍ୱାର୍ଡ ପୁଲିସ ଚଢାଉ କରି ବିପୁଳ ପରିମାଣର ଦେଶୀ ଓ ବିଦେଶୀ ମଦ ଜବତ କରିଛି । ସୂଚନା ଅନୁସାରେ ଜରାସିଂହା ଗ୍ରାମର ଜିତେନ୍ଦ୍ର କୁମାର ସାହୁ ନାମକ ଜଣେ ବ୍ୟକ୍ତି ଚୋରା ମଦ କାରବାର କରୁଥିବା ଖବର ପାଇ ସ୍ପେସିଆଲ ସ୍କ୍ୱାର୍ଡ ଅଫିସର ଦୀନକୃଷ୍ଣ ମିଶ୍ରଙ୍କ ନେତୃତ୍ଵରେ ସନ୍ଧ୍ୟା ୮ ତା ସମୟରେ ଏକ ଟିମ ଚଢାଉ କରିଥିଲା । ଚଢାଉ ବେଳେ ଜିତେନ୍ଦ୍ର କରିଥିବା କୁକୁଡା ଫାର୍ମର ଅଣ୍ଡରଗ୍ରାଉଣ୍ଡରେ ଏକ ଘର ଭିତରେ ମଦ ଥିବା ଦେଖିବାକୁ ମିଳିଥିଲା । ଚଢାଉରେ ପ୍ରାୟ ୨୦ ଲିଟର ଦେଶୀ ମଦ ଓ ୩୦୦ ଲିଟର ବିଦେଶୀ ମଦ ଜବତ ହୋଇଥିବା ସୂଚନା ମିଳିଛି । ସ୍ପେସିଆଲ ସ୍କ୍ୱାର୍ଡ ପୁଲିସ ଜବତ ମଦକୁ ଅନୁଗୁଳ ସଦର ଥାନା ପୁଲିସକୁ ହସ୍ତାନ୍ତର କରିଥିବା ବେଳେ ମଦ ବିକ୍ରି କରୁଥିବା ଅଭିଯୋଗରେ ଜିତେନ୍ଦ୍ର ସାହୁକୁ ଅଟକ ରଖିଛି । ଅନେକ ଦିନ ହେଲା ଏହି ଚୋରା ମଦ କାରବାର ଚାଲିଆସୁଥିବା ବେଳେ ପୁଲିସ କିଭଳି ଜାଣି ପାରୁ ନଥିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିବା ବେଳେ ଏତେ ପରିମାଣର ମଦ କିଭଳି ଆସିଲା ତାହା ତଦନ୍ତ ସାପେକ୍ଷ ।  

Advertisement