ବଢିଛି କୋଭିଡ ହସ୍ପିଟାଲ ଓ କେୟାର ସେଣ୍ଟର

ଅନୁଗୁଳ – ଅନୁଗୁଳ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବର୍ତ୍ତମାନ ହ୍ରାସ ପାଇଛି । ଜିଲ୍ଲାରେ କୋଭିଡର ସଠିକ ପରିଚାଳନା ଓ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁଙ୍କ ପ୍ରଚେଷ୍ଟା ଯୋଗୁଁ କରୋନା ହ୍ରାସ ହେବାରେ ସହାୟକ ହୋଇଛି । ଅନୁଗୁଳରେ କରୋନାର ପ୍ରଥମ ଲହର ଚାଲିଥିବା ବେଳେ ସ୍ୱାସ୍ଥ୍ୟ କ୍ଷେତ୍ରରେ ଯାହା ଥିଲା ଜିଲ୍ଲାପାଳ ଶ୍ରୀ ସ୍ୱାଇଁ ଏହି ଦ୍ଵିତୀୟ ଲହର ବେଳେ ତାହାକୁ ଅଭିବୃଦ୍ଧି କରିଛନ୍ତି । ସ୍ୱାସ୍ଥ୍ୟ ଭିତ୍ତିଭୂମିରେ ଉନ୍ନତି ଅଣା ଯାଇଛି । ଲୋକମାନଙ୍କ ହିତ ପାଇଁ କୋଭିଡ ହସ୍ପିଟାଲ ଗୋଟିଏରୁ ଦୁଇଟିକୁ ବୃଦ୍ଧି କରା ଯାଇଛି ଏବଂ କୋଭିଡ କେୟାର ସେଣ୍ଟର ଗୋଟିଏରୁ ପାଞ୍ଚକୁ ବୃଦ୍ଧି ହୋଇଛି । ଏହା କେବଳ ଜିଲ୍ଲାପାଳଙ୍କ ଦୁରଦୃଷ୍ଟି ଯୋଗୁଁ ସମ୍ଭବ ହୋଇପାରିଛି । ପ୍ରଥମେ ଅନୁଗୁଳ ଆଦର୍ଶ ଆଇଟିଆଇ ହିଁ କେବଳ କୋଭିଡ କେୟାର ସେଣ୍ଟର ଥିଲା ଏବେ କିନ୍ତୁ ବୃଦ୍ଧି ପାଇଛି । ଓଡିଶା ଆଦର୍ଶ ବିଦ୍ୟାଳୟ ତାଳଚେର , ଇଏସଆଇ ବଅଁରପାଳ, ସିସିସି ଆଠମଲ୍ଲିକ ଓ ପାଲଲହଡା ଠାରେ କୋଭିଡ କେୟାର ସେଣ୍ଟର ଖୋଲାଯାଇଛି । ପୂର୍ବରୁ ଜିଲ୍ଲାରେ ୪୭୫ ବେଡ଼ ଥିବା ବେଳେ ବର୍ତ୍ତମାନ ବେଡ଼ ସଂଖ୍ୟା ୧୧୭୩ ରେ ପହଁଚିଛି । ପୂର୍ବେ ୬ଟି ଆଇସିୟୁ ବେଡ଼ ଥିବା ବେଳେ ବର୍ତ୍ତମାନ ଆଇସିୟୁ ବେଡ଼ ୬୦ରେ ପହଁଚିଛି । ପୂର୍ବେ ବେଡ଼ ସହିତ ଅକ୍ସିଜେନ ୬୦ଟି ଥିବା ବେଳେ ବର୍ତ୍ତମାନ ବେଡ଼ ସହିତ ୫୩୮ରେ ପହଁଚି ପାରିଛି । ୬ଟି ଭେଣ୍ଟିଲେଟରରୁ ବୃଦ୍ଧି ପାଇ ବର୍ତ୍ତମାନ ତାହା ୨୧ରେ ପହଁଚି ପାରିଛି । ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁ , କରୋନାକୁ ଜିଲ୍ଲାରେ କିଭଳି ପ୍ରତିହତ କରାଯିବ , ସେଥିପାଇଁ ଏ ସବୁ ସଂଖ୍ୟା ବୃଦ୍ଧି କରିବା ସହ ସ୍ୱାସ୍ଥ୍ୟ କ୍ଷେତ୍ରରେ ଉନ୍ନତି ହୋଇପାରିଛି । ପ୍ରଥମ ଲହର ଠାରୁ ଦ୍ଵିତୀୟ ଲହର ଅତ୍ୟନ୍ତ ଭୟଙ୍କର ହୋଇଥିବାରୁ ପରିସ୍ଥିତି ଦେଖି ଉଚିତ ପଦକ୍ଷେପ ନେଉଛନ୍ତି ଜିଲ୍ଲାପାଳ । ସ୍ୱାସ୍ଥ୍ୟ କ୍ଷେତ୍ରରେ ଉନ୍ନତି ପାଇଁ ଚେଷ୍ଟିତ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ କରୋନା ରୋଗୀଟିଏ କିଭଳି କୌଣସି ପ୍ରକାରର ଅସୁବିଧାର ସମ୍ମୁଖୀନ ହେବ ନାହିଁ ସେଥିପ୍ରତି ସ୍ୱତନ୍ତ୍ର ଦୃଷ୍ଟି ଦେଇଛନ୍ତି ।

Advertisement