ଆଞ୍ଚଳିକ ଗ୍ୟାସ ପାଇପ ଲାଇନ କାମକୁ ବିରୋଦ୍ଧ – କାମ ଛାଡି ପଳାଇଲେ କର୍ମଚାରୀ Angul OnlineJanuary 8, 2021January 8, 2021 . ଛେଣ୍ଡିପଦା – ଅନୁଗୋଳ ଜିଲ୍ଲା ଛେଣ୍ଡିପଦା ବ୍ଳକ ବାହାଳସାହି ଗ୍ରାମପଞ୍ଚାୟତର ମାଝୀ ଗୋହିରାପଶି ଗ୍ରାମ ଦେଇ ଯାଉଥିବା ଗ୍ୟସ ପାଇପଳାଇନର କାମକୁ ଗ୍ରାମବାସୀ ତିବ୍ର ବିରୋଧ କରିବା ସହିତ ପାଇପ ବିଛାଇବା କାମକୁ ବନ୍ଦ କରିଛନ୍ତି । ସୂଚନା ଅନୁସାରେ ପାରାଦ୍ଵୀପ ବକାରୋ ଗ୍ୟାସ ପାଇପ ଲାଇନ ବାହାଳସାହି ପଞ୍ଚାୟତର ବିଭିନ୍ନ ରାଜସ୍ୱ ଗ୍ରାମ ଦେଇ ଗେଲ ଇଣ୍ଡିଆ ପକ୍ଷରୁ ପାଇପ ଲାଇନ କାର୍ଯ୍ୟ ଆରମ୍ଭ କରାଯାଇଛି । କିନ୍ତୁ କମ୍ପାନି କର୍ତ୍ତୁପକ୍ଷ ଗ୍ରାମବାସୀଙ୍କୁ କୈାଣସି ସୂଚନା ନଦେଇ ଜବରଦସ୍ତ ଜମିକୁ ସମାନ କରି ପାଇପ ଲାଇନ ଖୋଳା କାର୍ଯ୍ୟ ଆରମ୍ଭ କରିଛି । ଫଳରେ ଗ୍ରାମବାସୀଙ୍କର ପନିପରିବା ଫସଲ ଆଦି ହାନି ହେବା ସହିତ ବହୁ ଗୃହ ଉପଯୋଗୀ ଜମି ଉକ୍ତ ପାଇପ ଲାଇନରେ ଯାଉଅଛି । ଏ ନେଇ ଅନୁଗୋଳ ଉପଜିଲ୍ଲାପାଳ ବାସୁଦେବ ଶତପଥିଙ୍କ ଅଧକ୍ଷତାରେ କମ୍ପାନି କତୃପକ୍ଷ ଓ ଗ୍ରାମବାସୀଙ୍କ ମଧ୍ୟରେ ଚଳିତ ଜାନୁଆରୀ ୬ ତାରିଖରେ ଏକ ତ୍ରିପାକ୍ଷୀକ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଗ୍ରାମ ଭିତରେ ବିଛାଯିବାକୁ ଥିବା ଗ୍ୟାସ ପାଇପ ଲାଇନ ୩୦ମିଟର ପରିବର୍ତେ ୬ ମିଟରକୁ ସଙ୍କୁଚିତ କରାଯାଇ ନିର୍ମାଣ କରାଯିବ ବୋଲି କୁହା ଯାଇଥିଲା । କମ୍ପାନି କର୍ତ୍ତୁପକ୍ଷ ଗାଁକୁ ଯାଇ ସୀମା ଚିହ୍ନଟ କରି ଗ୍ରାମବାସୀଙ୍କୁ ଦେଖାଇବେ ,ଗ୍ରାମବାସୀ ସୀମା ଚିହ୍ନଟ କାର୍ଯ୍ୟରେ ସହେଯାଗ କରିବେ ଏବଂ କୈାଣସି ଅସୁବିଧା ହେଲେ କାର୍ଯ୍ୟବନ୍ଦ ନକରି ଉପଜିଲାପାଳଙ୍କୁ ଜଣାଇବା ନିମନ୍ତେ ନିଷ୍ପତି ହୋଇଥିଲା । କିନ୍ତୁ ନିର୍ଦ୍ଧାରିତ ତାରିଖ ଦିନ କମ୍ପାନୀ କର୍ତ୍ତୁପକ୍ଷ ପ୍ରଥମେ ସୀମା ନିର୍ଦ୍ଧାରଣ ସମ୍ପର୍କରେ ଗ୍ରାମବାସୀଙ୍କ ସହିତ ଆଲୋଚନା ନକରି ଗ୍ୟାସ ପାଇପ ଲାଇନ କାର୍ଯ୍ୟ ଆରମ୍ଭ କରିଥିଲେ । ଫଳରେ ବାହଳ ସାହି ପଞ୍ଚାୟତର କ୍ଷତିଗ୍ରସ୍ତ ଜନସାଧାରଣ ଗ୍ରାମରେ ଏକ ବୈଠକ କରିବା ସହିତ ଶୁକ୍ରବାର ଦିନ ପାଇପ ଲାଇନ କାର୍ଯ୍ୟକୁ ବନ୍ଦ କରିଦେଇଥିଲେ । ଗ୍ରାମବାସୀଙ୍କ ତିବ୍ର ବିରୋଦ୍ଧକୁ ଦେଖି କମ୍ପାନୀ କର୍ମଚାରୀ ମାନେ କାମ ବନ୍ଦ କରି ପଳାଇ ଆସିଥିଲେ । ଯେ ପର୍ଯ୍ୟନ୍ତ କମ୍ପାନୀ ପକ୍ଷରୁ କ୍ଷତିଗ୍ରସ୍ତ ଗ୍ରାମବାସୀଙ୍କୁ ଉଚିତ କ୍ଷତି ପୂରଣ ସହିତ ଗାଁ ବାହାରେ ପାଇପ ଲାଇନ ନଯାଇଛି । ସେ ପର୍ଯ୍ୟନ୍ତ ଗେଲ କତୃପକ୍ଷଙ୍କୁ କୋଣସି କାର୍ଯ୍ୟ କରାଇ ଦିଆଯିବ ନାହିଁ ବୋଲି ଗ୍ରାମବାସୀ ଚେତାବନି ଦେଇଛନ୍ତି । Advertisement
ଆଦର୍ଶ ଗ୍ରୁପ ଅଫ ଇନଷ୍ଟିଚ୍ୟୁସନ ପକ୍ଷରୁ ପ୍ରତିଭା ସମ୍ମାନ ସମାରୋହ ଅନୁଷ୍ଠିତ ଅନୁଗୁଳ – ଅନୁଗୁଳ ଜିଲ୍ଲାର ଅଗ୍ରଣୀ ଶିକ୍ଷାନୁଷ୍ଠାନ ଆଦର୍ଶ ଗ୍ରୁପ ଅଫ ଇନଷ୍ଟିଚ୍ୟୁସନ ପକ୍ଷରୁ ଏକ ପ୍ରତିଭା ସମ୍ମାନ କାର୍ଯ୍ୟକ୍ରମ ଆୟୋଜିତ ହୋଇ ଯାଇଛି । ଅନୁଗୁଳ…
ଜିଲ୍ଲା ବ୍ରାହ୍ମଣ ମହାସଂଘର କାର୍ଯ୍ୟକାରିଣୀ ବୈଠକ ଅନୁଗୁଳ – ଅନୁଗୁଳ ଜିଲ୍ଲା ବ୍ରାହ୍ମଣ ମହାସଂଘର ସଭାପତି ଶଶାଙ୍କ ଶେଖର ପାଣି ଓ କାର୍ଯ୍ୟକାରୀ ସଭାପତି ସୁବୋଧ କୁମାର ମିଶ୍ରଙ୍କ ନିର୍ଦ୍ଦେଶକ୍ରମେ ବ୍ୟୋମକେଶ ଶତପଥୀଙ୍କ ଆବାହାକତ୍ୱରେ…
ମା’ବାୟାଣୀଙ୍କ ବାର୍ଷିକ ଯାତ୍ରା ସମ୍ପନ୍ନ,ଲକ୍ଷାଧିକ ଭକ୍ତଙ୍କ ସମାଗମ ଛେଣ୍ଡିପଦା – ଅନୁଗୋଳ ଜିଲ୍ଲା ଛେଣ୍ଡିପଦା ବ୍ଲକ୍ ଅନ୍ତର୍ଗତ ପାତ୍ରପଡା ଗ୍ରାମର ମା’ବାୟାଣୀଙ୍କ ବାର୍ଷିକ ପୂଜା ଓ ଯାତ୍ରା ଅନୁଷ୍ଠିତ ହୋଇ ଯାଇଛି । ଲକ୍ଷାଧିକ ଜନସମାଗମରେ…