ଅପରାଧ ଚାରି ଡକାୟତ ଗିରଫ – ଜିଲ୍ଲାର ବିଭିନ୍ନ ସ୍ଥାନରେ ଡକାୟତି ଓ ଲୁଟ କରିଥିଲେ Angul OnlineDecember 18, 2022December 18, 2022 ତାଳଚେର – ଅନୁଗୁଳ ଜିଲ୍ଲା ତାଳଚେର ପୁଲିସ କବଜାରେ ୪ କୁଖ୍ୟାତ ଅପରାଧୀ ଧରା ପଡିଛନ୍ତି । ସେମାନଙ୍କ ନିକଟରୁ ୨ଟି ବନ୍ଧୁକ, ୫ଟି ହାତବୋମା ଓ କିଛି ମାରଣାସ୍ତ୍ର ସହ ଦୁଇଟି ପଲସର ମୋଟରସାଇକେଲ ପୁଲିସ ଜବତ କରିଛି । ଅନୁଗୁଳ ଜିଲ୍ଲାର ବିଭିନ୍ନ ଅଞ୍ଚଳରେ ଏହି କୁଖ୍ୟାତ ଅପରାଧିମାନେ ବିଭିନ୍ନ ସମୟରେ ଲୋକଙ୍କୁ ଆକ୍ରମଣ ଓ ଭୟଭୀତ କରି ଲୁଟ୍ପାଟ୍ କରିନେଉଥିବା ଅଭିଯୋଗ ହୋଇ ଆସୁଥିବା ବେଳେ ଜିଲ୍ଲାର ବିଭିନ୍ନ ଥାନାରେ ସମ୍ପୃକ୍ତ ଅପରାଧୀଙ୍କ ବିରୁଦ୍ଧରେ ଅନେକ ମାମଲା ରହିଥିବା ଜଣାପଡିଛି । ତେବେ ଏହି କୁଖ୍ୟାତ ଅପରାଧୀ ମାନେ ତାଳଚେର ଓ ଛେଣ୍ଡିପଦା ଅଞ୍ଚଳର ବୋଲି ଜଣାପଡିଛି । ଏହି ଡ଼କାୟତମାନେ ପୂର୍ବରୁ ବାଘୁଆବୋଲ ଅମାଜନ୍ ଅଫିସ୍ରେ ଡ଼କାୟତି, ବାଲୁଙ୍ଗା ଗ୍ରାମନିକଟରେ ଦିନବେଳା ମହିଳାଙ୍କୁ ଆକ୍ରମଣ କରି ଘରୁ ଲୁଟ୍, ସୁନାଖଣି ଅଞ୍ଚଳରେ ଡ଼କାୟତି, ଅନୁଗୁଳ, ବଅଁରପାଳ ଓ ଛେଣ୍ଡିପଦା, କୋଶଳା ଠାରେ ହୋଇଥିବା ଡ଼କାୟତି ଘଟଣାରେ ସମ୍ପୃକ ଥିବା ପୁକିସ ସୂତ୍ରରୁ ଜଣା ପଡ଼ିଛି । ଅଭିଯୁକ୍ତମାନେ ହେଲେ ବାଘୁଆବୁଲ ଅଞ୍ଚଳର ବିଜି ଓରଫ ବିକାଶ ନାଏକ , ଦେଉଳବେଡ଼ା ଧଉଡ଼ା ଅଞ୍ଚଳର ଟବୁ ଖାନ , ସୁରଜ ନାଏକ ଓ ଛେଣ୍ଡିପଦା କୋଶଳା ଅଞ୍ଚଳର ଦୀପୁ ନାଏକ । ସମସ୍ତଙ୍କୁ ପୋଲିସ ରିମାଣ୍ଡରେ ଆଣି ପଚରାଉଚରା କରିବ ବୋଲି ଜଣାପଡ଼ିଛି । ଏକ ବିଶେଷ ସୂତ୍ରରୁ ଖବର ପାଇ କୋଶଳାର ଏକ ଘରେ ଏହି ୪ଜଣ କୁଖ୍ୟାତ ଅପରାଧୀ ରହିଥିବା ବେଳେ ପୁଲିସ୍ ତାଙ୍କୁ କାବୁ କରି ଗିରଫ କରିବା ସହିତ ତାଙ୍କ ନିକଟରୁ ମାରଣାସ୍ତ୍ର ଜବତ କରି କୋର୍ଟ ଚାଲାଣ କରିଛି । Advertisement
କାରରେ ଗଞ୍ଜେଇ ଚାଲାଣ ବେଳେ କାବୁ କଲା ପୁଲିସ – ଜଣେ ଗିରଫ ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଦେବଗଡ ଛକ ନିକଟରୁ ଏକ ଗଞ୍ଜେଇ ଭର୍ତ୍ତି କାରକୁ ପୁଲିସ ଜବତ କରିବା ସହ ଜଣଙ୍କୁ ଗିରଫ କରିଛି…
ଭିଜିଲାନ୍ସ ଜାଲରେ କ୍ଷୁଦ୍ର ଜଳ ସେଚନ ବିଭାଗ ଅତିରିକ୍ତ ମୁଖ୍ୟଯନ୍ତ୍ରୀ ଭୁବନେଶ୍ୱର – ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଜାଲରେ ପଡ଼ିଲେ ଅତିରିକ୍ତ ମୁଖ୍ୟ ଯନ୍ତ୍ରୀ । ଭବାନୀପାଟଣାସ୍ଥିତ କ୍ଷୁଦ୍ର ଜଳସେଚନ ବିଭାଗର ଅତିରିକ୍ତ ମୁଖ୍ୟ…
ନକଲି ତେଲ ପରେ ନକଲି ଅଟା ଓ ହଳଦୀ ଜବତ – ଜଣେ ଗିରଫ ଅନୁଗୁଳ – ଗତ ୨ ଦିନ ତଳେ ଅନୁଗୁଳ ଜିଲ୍ଲା ପଞ୍ଚମହଲା ନିକଟରେ ଥିବା ଏକ ନକଲି ପାମୋଲିନ ତେଲ କାରଖାନା ଉପରେ ପୋଲିସ ଚଢାଉ କରି…