ଅନୁଗୋଳ – ଚୋରା କୋଇଲା ଚାଲାଣ ଅଭିଯୋଗରେ ଅନୁଗୋଳ ସଦର ଥାନା ପୋଲିସ ଆଜି ଚାରି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନା ଅନୁସାରେ , ନତଡା ଛକ ଠାରୁ ଦୁଇଟି ମିନି ଟ୍ରକରେ ଚୋରା କୋଇଲା ଚାଲାଣ ହେଉଥିବା ଖବର ପାଇ ପୁଲିସ ଦୁଇଟି ଗାଡି ଜବତ କରିଥିଲେ । ଏହି ଚୋରା କୋଇଲା ଚାଲାଣ ଅଭିଯୋଗରେ ସଦର ଥାନା ପକ୍ଷରୁ ମାମଲା ରୁଜୁ କରାଯାଇ ଚାଲାଣ କରୁଥିବା ଭଜମନ ବେହେରା , ନଗେନ୍ ବିଶ୍ବାଳ , ଭିକାରୀ ବାଘ , ଆର୍ଯ୍ୟାଜିତ୍ ଦାସଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହି ଚୋରା ଚାଲାଣ ରେ ଆହୁରି ୧୨ ଜଣ ସମ୍ପୃକ୍ତ ଥିବା ସଦର ଥାନା ଅଧିକାରୀ ସତ୍ୟବ୍ରତ ରାଉତ ସୂଚନା ଦେଇଛନ୍ତି । ଏହି ଚୋରା କୋଇଲା ତାଳଚେର ହିଙ୍ଗୁଳା କୋଇଲା ଖଣିରୁ ଚୋରା ଚାଲାଣ ହେଉଥିବା ଜଣା ପଡିଛି ।
Advertisement
