ପଲିଥିନ ଚଢାଉ – ରାସନ ଦୋକାନ ସିଲ

ତାଳଚେର – ରାଜ୍ୟ ସରକାର ପଲିଥିନ ବ୍ୟବହାର ଉପରେ କଟକଣା ଲଗାଇଛନ୍ତି । ଏହି ନିୟମକୁ କଡାକଡି ପାଳନ କରିବାକୁ ନିର୍ଦେଶ ରହିଛି । ଏଥିପାଇଁ ଆଜି(ମଙ୍ଗଳବାର) ସନ୍ଧ୍ୟାରେ ତାଳଚେର ପୌରପାଳିକା ପକ୍ଷରୁ ହାଟତୋଟାର ବିଭିନ୍ନ ଦୋକାନ ଉପରେ ଚଢାଉ କରା ଯାଇଥିଲା । ପୈାରପରିଷଦର ନିର୍ବାହୀ ଅଧିକାରୀଣି ରଶ୍ମି ରେଖା ଅମାନ୍ତ ପୋଲିସ ସହାୟତାରେ ଏହି ଚଢ଼ାଉ କରିଥିବା ବେଳେ ନିୟମ ଉଲ୍ଲଙ୍ଘନକାରୀ ଦୋକାନୀ ମାନଙ୍କ ଠାରୁ ୯ ହଜାର ଟଙ୍କା ଜୋରିମାନା ଆଦାୟ କରିଥିଲେ । ତେବେ ହାଟତୋଟା ହନୁମାନ ମନ୍ଦିର ନିକଟସ୍ଥ ଏକ ବଡ ରାସନ୍ ଦୋକାନ ଉପରେ ନିର୍ବାହୀ ଅଧିକାରୀଣି ଓ ତହସିଲଦାରଙ୍କ ମିଳିତ ଭାବେ ଚଢ଼ାଉ ବେଳେ ଦୋକାନରେ ବହୁ ପରିମାଣର ପଲିଥିନ ଜବତ  ହୋଇଥିଲା । ଏଥିପାଇଁ ଉକ୍ତ ଦୋକାନୀକୁ କୋଡ଼ିଏ ହଜାର ଟଙ୍କା ଜୋରିମାନା କରିଥିଲେ । ତେବେ ସମ୍ପୃକ୍ତ ଦୋକାନୀ ଜଣଙ୍କ ଜୋରିମାନା ନଦେଇ ଯୁକ୍ତିତର୍କ କରିଥିଲେ । ଫଳରେ  ନିର୍ବାହୀ ଅଧିକାରୀଣି ରଶ୍ମି ରେଖା ଅମାନ୍ତ ତାଳଚେର ସଦର ପୁଲିସକୁ ଡକାଇ ଦୋକାନକୁ ସିଲ୍ କରିବା ସହ ଦୋକାନୀ ବିରୋଧରେ ମାମଲା ରୁଜୁ କରାଯାଇଥିବା ସୂଚନା ମିଳିଛି ।

Advertisement