ରାସ୍ତା ଉପରେ ଜଳିଗଲା ସ୍କୁଟର(ଭିଡିଓ)

ଅନୁଗୁଳ – ଅନୁଗୁଳ ସହର କାଲଟାକ୍ସ ଛକ ନିକଟରେ ଆଜି ଏକ ଚଳନ୍ତା ସ୍କୁଟରରେ ନିଆଁ ଲାଗିଯିବାରୁ ସ୍କୁଟରଟି ସମ୍ପୂର୍ଣ୍ଣ ପୋଡି ନଷ୍ଟ ହୋଇ ଯାଇଛି । ସମ୍ପୃକ୍ତ ସ୍କୁଟରଟି ବ୍ୟାଟେରୀ ଚାଳିତ ବୋଲି ଜଣା ପଡିଛି । ସୂଚନା ଅନୁସାରେ ଅମୀୟ ରାୟ ନାମକ ଜଣେ ବ୍ୟକ୍ତି ତାଙ୍କ ବ୍ୟାଟେରୀ ଚାଳିତ ସ୍କୁଟରରେ ( OD 33 AF 1269) ପିଟିସି ପଟରୁ ତୁରଙ୍ଗ ଆଡକୁ ଯାଉଥିଲେ । ସେ କାଲଟାକ୍ସ ଛକ ନିକଟରେ ହୋଇଥିବା ବେଳେ ହଠାତ ସ୍କୁଟରରେ ନିଆଁ ଲାଗି ଯାଇଥିଲା । ନିଆଁ ଦେଖି ଅମୀୟ ରାସ୍ତା କଡରେ ଗାଡି ଛାଡି ଦଉଡି ପଳାଇଥିଲେ । ଖବର ପାଇ ଅନୁଗୁଳ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ ଅଗ୍ନିକାଣ୍ଡରେ ସ୍କୁଟରଟି ସମ୍ପୂର୍ଣ୍ଣ ପୋଡି ନଷ୍ଟ ହୋଇ ଯାଇଥିବା ବେଳେ ଏକ ବଡ଼ ବିପଦରୁ ଅମୀୟ ବର୍ତ୍ତି ଯାଇଛନ୍ତି ।

Advertisement