ଜାତୀୟ ରାଜପଥ ମରାମତି ଓ ମେଡ଼ିକାଲ କଲେଜ ନହେଲେ ଆନ୍ଦୋଳନ

ଅନୁଗୁଳ – ଅନୁଗୁଳ ଜିଲ୍ଲା ଦେଇ ଯାଇଥିବା ୫୫ନଂ. ଜାତୀୟ ରାଜପଥର ଅବସ୍ଥା ଶୋଚନୀୟ ହୋଇ ପଡିଛି । ଏହି ସମସ୍ୟାର ସମାଧାନ ଓ ତାଳଚେର ମେଡିକାଲ କଲେଜ କାର୍ଯ୍ୟକ୍ଷମ ଦାବିରେ ଅନୁଗୁଳ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଅତିରିକ୍ତ ଜିଲାପାଳ ଉଦୟ କୁମାର ମହାପାତ୍ରଙ୍କୁ ପ୍ରଦାନ କରାଯାଇଛି । , ଜାତୀୟ ରାଜପଥର ଯନ୍ତ୍ରଣା ଅସହ୍ୟ ହୋଇପଡ଼ି ପଡ଼ିଲାଣି । ପ୍ରତ୍ଯେହ ଜୀବନହାନି ଘଟୁଛି । ଉତ୍ତମ ଚିକିତ୍ସା ପାଇବା ନିମନ୍ତେ ଜିଲ୍ଲାରେ ଅତ୍ୟାଧୁନିକ ଚିକିତ୍ସା ବ୍ୟବସ୍ଥା ଟିକିଏ ନାହିଁ। ଅତ୍ୟାଧୁନିକ ଚିକିତ୍ସା ଯୋଗାଇ ଦେବା ସହ ଡାକ୍ତରୀ ଶିକ୍ଷାଲାଭ ଲାଭ ପାଇଁ ଅନୁଗୁଳ ଜିଲ୍ଲାରେ ଏକ ମେଡିକାଲ କଲେଜ ସ୍ଥାପନ ନିମନ୍ତେ ରାଜ୍ୟ ସରକାର ଘୋଷଣା କରିଥିଲେ । କିନ୍ତୁ ତାଳଚେର ନିର୍ମିତ ମେଡିକାଲ କଲେଜକୁ ସରକାରୀ ଡାକ୍ତରଖାନାରେ ପରିବର୍ତ୍ତନ କରା ଯାଇଥିବାରୁ ଜିଲ୍ଲାବାସୀଙ୍କ ମନକୁ ଆଘାତ ପହଞ୍ଚିଛି । ତେଣୁ ୭ ଦିନ ମଧ୍ୟରେ ଜାତୀୟ ରାଜପଥ ସମସ୍ୟାର ସମାଧାନ ଓ ମେଡିକାଲ କଲେଜ ପ୍ରତିଷ୍ଠା ଘୋଷଣା ଉପରେ ଆବଶ୍ୟକ ପଦକ୍ଷେପ ଗ୍ରହଣ କରା ନ ଗଲେ ଜିଲ୍ଲା ବ୍ୟାପୀ ଆନ୍ଦୋଳନ ଓ ଗଣଧାରଣା ଦିଆଯିବ ବୋଲି ସାମାଜିକ କର୍ମୀ ପର୍ଶୁରାମ ଦାଶ, ଅନୁପ କୁମାର ପଟ୍ଟନାୟକ, ଶିବାଶିଷ କର, ପ୍ରତାପ ମହାପାତ୍ର, ଛବୀନ୍ଦ୍ର ନାୟକ, ଚନ୍ଦ୍ରକାନ୍ତ ବେହେରା, ଶୁଭମ କୁମାର ନାଥ ପ୍ରମୁଖ ଚେତାବନୀ ଦେଇଛନ୍ତି ।

Advertisement