ଛେଣ୍ଡିପଦା  – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା କୋଶଳା ଗାଁରେ ଥିବା ଦୁଇଟି ଏଟିଏମରୁ ବିଳମ୍ବିତ ରାତିରେ ଚୋରୀ ଉଦ୍ୟମ ହୋଇଥିବା ବେଳେ ଏଥିରେ ବିଫଳ ହୋଇଛନ୍ତି ଚୋର । ଆଉ ବିଫଳ ଚୋର ମାନେ ଗୋଟିଏ ଏଟିଏମରୁ ବ୍ୟାଟେରୀ ନେଇ ପଳାଇଥିବା ଜଣା ପଡିଛି । ସୂଚନା ଅନୁସାରେ କୋଶଳା ଗାଁରେ ଥିବା ଏସବିଆଇ ଏଟିଏମରେ ବିଳମ୍ବିତ ରାତିରେ ଚୋର ପଶି ଏଟିଏମ ଭାଙ୍ଗି ଟଙ୍କା ଲୁଟ ଉଦ୍ୟମ କରିଥିଲେ । ତେବେ ଏଥିରେ ବିଫଳ ହେବା ପରେ ସେଠାରେ ଥିବା ବ୍ୟାଟେରୀ ନେଇ ପଳାଇ ଯାଇଥିଲେ । ସେହିପରି ଆକ୍ସିସ ବ୍ୟାଙ୍କ ଏଟିଏମ ବ୍ୟାଙ୍କର ଏଟିଏମରୁ ମଧ୍ୟ ଚୋରି ଉଦ୍ୟମ କରି ବିଫଳ ହୋଇଥିଲେ । ତେବେ ସକାଳେ ଲୋକ ଏଟିଏମ ଭଙ୍ଗା ରୁଜା ହୋଇଥିବା ଦେଖି ପୁଲିସକୁ ସୂଚନା ଦେଇଥିଲେ । ଖବର ପାଇ ଛେଣ୍ଡିପଦା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି ।