ଅନୁଗୁଳ – ଅନୁଗୁଳ ଜିଲ୍ଲାର ନୂତନ ଜିଲ୍ଲା ପରିଷଦ ଅଧ୍ୟକ୍ଷା ହୋଇଛନ୍ତି ବବିତା ପ୍ରଧାନ । ସେ ପୂର୍ବରୁ କିଶୋରନଗର ବ୍ଲକ ଅଧ୍ୟକ୍ଷ ଥିଲେ । ଚଳିତ ଥର ବବିତା ପ୍ରଧାନ କିଶୋରନଗର ବ୍ଲକ ୧୧ ନମ୍ବର ଜୋନରେ ବିଜୁ ଜନତା ଦଳ ପକ୍ଷରୁ ଜିଲ୍ଲା ପରିଷଦ ଭାବେ ନିର୍ବାଚନ ଲଢି ୪୨୧ ଖଣ୍ଡ ଭୋଟରେ ନିକଟତମ ପ୍ରତିଦ୍ଵନ୍ଦୀଙ୍କ ଠାରୁ ବିଜୟୀ ହୋଇଥିଲେ । ଅନୁଗୁଳ ଜିଲ୍ଲାର ମୋଟ ୨୮ ଟି ଆସନ ମଧ୍ୟରୁ ବିଜୁ ଜନତା ଦଳ ୨୭ ଟି ଆସନ ଜିତିଥିବା ବେଳେ ବିଜେପି କେବଳ ଗୋଟିଏ ଆସନ ହାତେଇଥିଲା । ଏଣୁ ବିଜେଡିର ଅଧ୍ୟକ୍ଷ ପଦ ନିଶ୍ଚିତ ଥିବା ବେଳେ କିଏ ହେବ ତାକୁ ନେଇ ଟଣାଓଟରା ଚାଲିଥିଲା । ତେବେ ସବୁ କଳ୍ପନାଜଳ୍ପନାର ଅନ୍ତ ଘଟାଇ ମୁଖ୍ୟମନ୍ତ୍ରୀ ବବିତା ପ୍ରଧାନଙ୍କ ଙ୍କ ନାମ ଜିଲ୍ଲା ବିଜେଡି ସଭାପତି ମହେନ୍ଦ୍ର ବସ୍ତିଆଙ୍କୁ ଏକ ବନ୍ଦ ଲଫାପାରେ ଦେଇଥିଲେ । ଆଉ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ ବିଧିବଦ୍ଧ ଭାବେ ବନ୍ଦ ଲଫାପା ଭାବେ ଖୋଲିବା ପରେ ବବିତା ପ୍ରଧାନଙ୍କ ନାମ ଘୋଷଣା କରା ଯାଇଛି । ଆଉ ୨୭-୧ ସଂଖ୍ୟା ଗରିଷ୍ଠତା ଥିବା ହେତୁ ସେ ଜିଲ୍ଲା ପରିଷଦ ଅଧ୍ୟକ୍ଷା ଭାବେ ନିର୍ଦ୍ଵନ୍ଦରେ ଚୟନ ହୋଇଛନ୍ତି ।