ଅପରାଧ ପୁଅର ଟାଙ୍ଗିଆ ଚୋଟରେ ବାପ ମୃତ Angul OnlineApril 19, 2023April 19, 2023 ଛେଣ୍ଡିପଦା – ଅନୁଗୋଳ ଜିଲ୍ଲା ଜରପଡା ଥାନା କଞ୍ଜରା ଗ୍ରାମରେ ପୁଅର ଟାଙ୍ଗିଆ ଚୋଟରେ ବାପର ମୃତ୍ୟୁ ହୋଇଛି । ମୃତକ ଜଣକ ହେଲେ କଞ୍ଜରା ରାଜବୁରୀ ବାରିକ ସାହିର ନିଳାମ୍ବର ବାରିକ (୪୫)ବୋଲି ଜଣାପଡିଛି । ସୁଚନା ଅନୁସାରେ ସଂଧ୍ୟାରେ ନିଳାମ୍ବର ବାରିକ ଓ ତାଙ୍କ ସ୍ତ୍ରୀ ମାମି ବାରିକଙ୍କ ମଧ୍ୟରେ ପାରିବାରିକ ଘଟଣାକୁ ନେଇ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ନିଳାମ୍ବର ତାଙ୍କ ସ୍ତ୍ରୀକୁ ମାଡପିଟ କରିବା ସହିତ ଏକ ଟାଙ୍ଗିଆରେ ଫସା ମାରିଥିଲେ । ଏହି ଖବର ନିଳାମ୍ବରଙ୍କ ସାନପୁଅ ସିପୁନ ବାରିକ ଖବର ପାଇ ଘରକୁ ଆସିଥିଲେ ।ଏହି ସମୟରେ ନିଳାମ୍ବର ଏକ ଟାଙ୍ଗିଆରେ ତାଙ୍କ ମାକୁ ମାଡମାରୁଥିବା ଦେଖି ଟାଙ୍ଗିଆକୁ ଛଡାଇ ଆଣି ବାପାକୁ ଆକ୍ରମଣ କରିଥିଲା ।ଫଳରେ ଟାଙ୍ଗିଆ ଚୋଟ ବାଜି ବାପା ନିଳାମ୍ବର ଘଟଣାସ୍ଥଳରେ ଟଳିପଡିଥିଲେ ।ଅପରେପକ୍ଷେ ନିଳାମ୍ବରଙ୍କ ମାଡରେ ଗୁରୁତର ଆହତ ହୋଇଥିବା ତାଙ୍କ ସ୍ତ୍ରୀ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଖବର ପାଇ ଜରପଡା ଥାନା ଅଧିକାରୀ ସରୋଜକାନ୍ତ ସାମଲ ଓ ପୋଲିସ କର୍ମଚାରୀ ମାନେ ଘଟଣାସ୍ଥଳରେ ପହଁଚି ଶବକୁ ଜବତ କରିବା ସହ ଆକ୍ରମଣକାରୀ ପୁଅ ସିପୁନକୁ ଅଟକ ରଖି ଘଟଣାର ତଦନ୍ତ ଚଳାଇଛନ୍ତି । ଏ ନେଇ ଜରପଡା ଥାନା କେସନଂ ୧୨୪/୨୩ରେ ଏକ ମାମଲା ରୁଜୁକରି ଘଟଣାର ତଦନ୍ତ ଚାଲିଥିବା ବେଳେ ଗୁରୁବାର ସାଇଣ୍ଟିଫିକ ଟିମ ତଦନ୍ତ ପରେ ଶବକୁ ବ୍ୟବଛେଦ ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯିବ ବୋଲି ଜରପଡା ଥାନା ଅଧିକାରୀ ସରୋଜକାନ୍ତ ସାମଲ ପ୍ରକାଶ କରିଛନ୍ତି । Advertisement
ପ୍ରେମରେ ଅନ୍ଧ ହୋଇ ବାପା-ମାକୁ ହାଣିଲା ପୁଅ ଅନୁଗୁଳ – ପ୍ରେମ ସଂପର୍କକୁ ବିରୋଧ କରିବା ଆଉ ଏଥିରୁ ନିବୃତ ରହିବାକୁ କହିବାରୁ ବାପା ଓ ମାଙ୍କୁ ହାଣିଦେଲା । ଟାଙ୍ଗିଆରେ ଆକ୍ରମଣ କରିବା ଫଳରେ…
ଜମିବିକ୍ରି ବେଳେ ଉତ୍ତରାଧିକାରୀ ପ୍ରମାଣପତ୍ର ଜାଲିଆତି – ୫ଜଣଙ୍କ ନାମରେ ମାମଲା ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ତହସିଲରେ ଉତ୍ତରାଧିକାରୀ ପ୍ରମାଣପତ୍ରରେ ଜାଲିଆତି ଅଭିଯୋଗ । ଏ ନେଇ ଆଜି(ଶୁକ୍ରବାର) ଛେଣ୍ଡିପଦା ତହସିଲଦାର ଥାନାରେ ଜଣାଇବା ପରେ ପୁଲିସ…
ତିନି ଆନ୍ତଃଜିଲ୍ଲା ଡକାୟତ ଗିରଫ – ଜିଲ୍ଲାରେ ୧୯ ଲକ୍ଷରୁ ଊର୍ଦ୍ଧ୍ଵ ଟଙ୍କା କରିଥିଲେ ଲୁଟ ଛେଣ୍ଡିପଦା-ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପୁଲିସକୁ ମିଳିଛି ବଡ଼ ସଫଳତା l ୭ ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗକୁ ଠାବ କରିବା ସହିତ ୩ ଜଣଙ୍କୁ ଗିରଫ କରିବାରେ…