ରାଜନୀତି ଅନୁଗୁଳରେ ବିଜେଡିର ମହିଳା ପ୍ରାର୍ଥୀ !! Angul OnlineMarch 27, 2024March 27, 2024 ଅନୁଗୁଳ – ବୁଧବାର ବିଜୁ ଜନତା ଦଳ ସୁପ୍ରିମୋ ନବୀନ ପଟ୍ଟନାୟକ ବିଭିନ୍ନ ସାଂସଦୀୟ କ୍ଷେତ୍ର ଓ ବିଧାନସଭା କ୍ଷେତ୍ର ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି । ଏହି ତାଲିକା ଅନୁସାରେ ଅନୁଗୁଳ ଜିଲ୍ଲାର ଆଠମଲ୍ଲିକ ଓ ଛେଣ୍ଡିପଦା ବିଧାନସଭା ସମ୍ବଲପୁର ସାଂସଦୀୟ କ୍ଷେତ୍ରରେ ଯାଉଥିବା ବେକେ ଢେଙ୍କାନାଳ ସାଂସଦୀୟ କ୍ଷେତ୍ରରେ ଅନୁଗୁଳ , ତାଳଚେର ଓ ପାଲଲହଡ଼ା ଓ ଅନୁଗୁଳ ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଭୁକ୍ତ । ଆଜି ନବୀନ ପଟ୍ଟନାୟକ ଘୋଷଣା କରିଥିବା ତାଲିକା ଅନୁଯାୟୀ ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ସମ୍ବଲପୁର ସାଂସଦ ପ୍ରାର୍ଥୀ କରାଯାଇଛି ଓ ଅବିନାଶ ସାମଲଙ୍କୁ ଢେଙ୍କାନାଳ ସାଂସଦ ପ୍ରାର୍ଥୀ ଭାବେ ଘୋଷଣା କରାଯାଇଛି । ସେହିଭଳି ଜିଲ୍ଲାର ୫ ଟି ବିଧାନସଭା ନିର୍ବାଚନ ମଣ୍ଡଳୀର ଛେଣ୍ଡିପଦାରେ ସୁଶାନ୍ତ ବେହେରା , ପାଲଲହଡାରେ ମୁକେଶଙ୍କ ଉପରେ ଦଳ ପୁଣି ଥରେ ଆସ୍ଥା ପ୍ରକଟ କରିଛି । ସେପଟେ ତାଳଚେର , ଆଠମଲ୍ଲିକ ଓ ଅନୁଗୁଳ ବିଧାନସଭା ପାଇଁ ପ୍ରାର୍ଥୀ ଘୋଷଣା ବାକି ରହିଛି । ଅନ୍ୟପଟେ ଗତଥର ଢେଙ୍କାନାଳରୁ ବିପୁଳ ଭୋଟରେ ରୁଦ୍ର ନାରାୟଣ ପାଣିଙ୍କୁ ହରାଇ ସାଂସଦ ହୋଇଥିବା ମହେଶ ସାହୁଙ୍କୁ ଦଳ ସାଂସଦ ପ୍ରାର୍ଥୀ ନ କରି ନୂଆଁ ମୁହଁ ଅବିନାଶ ସାମଳଙ୍କୁ ଦାୟିତ୍ୱ ଦେଇଛି । ଏଣୁ ଲୋକଙ୍କ ମନରେ ଅନେକ ପ୍ରଶ୍ନ ଉଙ୍କି ମାରିଛି । ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ଖବର ଅନୁଯାୟୀ ତାଳଚେରରେ ବ୍ରଜ କିଶୋର ପ୍ରଧାନ ଓ ଆଠମଲ୍ଲିକରେ ନଳିନୀ ପ୍ରଧାନ ଟିକେଟ ପାଇବେ ବୋଲି ପ୍ରାୟତଃ ସ୍ଥିର ହୋଇ ସାରିଛି । ଅନ୍ୟପଟେ ଢେଙ୍କାନାଳ ଜିଲ୍ଲାର ହିନ୍ଦୋଳ ବିଧାନସଭା କ୍ଷେତ୍ରରେ ସୀମାରାଣୀଙ୍କ ଲୋକପ୍ରିୟତା ହ୍ରାସ ପାଇଥିବା ବେଳେ ଦଳ ତାଙ୍କ ଉପରେ କୁଆଡେ ଭରସା କରି ପାରୁନାହିଁ । ଏଣୁ ହିନ୍ଦୋଳରେ ଦଳ ମହେଶ ସାହୁଙ୍କୁ ପ୍ରାର୍ଥୀ କରିବ ବୋଲି ଆଭାସ ମିଳିଛି । ଆଉ ନିଜେ ମହେଶ ସାହୁ ମଧ୍ୟ ହିନ୍ଦୋଳ ପାଇଁ ଆଗ୍ରହୀ ଥିବା ତାଙ୍କ ସମର୍ଥକ ମହଲରୁ ଜଣା ପଡ଼ିଛି । ଏହି ଅଙ୍କ ଧରିଲେ ଅଭିଭକ୍ତ ଢେଙ୍କାନାଳ ଓ ଅନୁଗୁଳ ଜିଲ୍ଲାର ଅନୁଗୁଳ ବିଧାନସଭାକୁ ଛାଡିଦେଲେ ବାକି ସମସ୍ତ ସ୍ଥାନରେ ପୁରୁଷ ମାନେ ହିଁ ଟିକେଟ ପାଇବେ । ଅନୁଗୁଳ ବିଧାନସଭାରେ ତେବେ ମହିଳା ଗୋଟି ଚାଳନା କରିବ କି ବିଜେଡି ବୋଲି ପ୍ରଶ୍ନ ଉଙ୍କି ମାରିଛି । ଅନ୍ୟ କୌଣସି ସ୍ଥାନରେ ମହିଳା ସଂରକ୍ଷଣ ନଥିବା ଏବଂ ପୁରୁଷ ମାନେ ଟିକେଟ ପାଇବା ଏକ ପ୍ରକାର ନିଶ୍ଚିତ ହୋଇ ଥିବାରୁ ଅନୁଗୁଳରେ ଜଣେ ମହିଳାଙ୍କ ଉପରେ ଦଳ ଆସ୍ଥା ପ୍ରକଟ କରିବ ବୋଲି ଚର୍ଚ୍ଚା ହେଉଛି । Advertisement
ଜ୍ୟୋତିର୍ମୟୀ ସରପଞ୍ଚ ସଂଘ ସଭାପତି ଅନୁଗୋଳ – ଅନୁଗୋଳ ଜିଲ୍ଲାର ଆଠଟି ବ୍ଲକକୁ ନେଇ ସରପଞ୍ଚ ସଂଘ , ଅନୁଗୋଳ ଜିଲ୍ଲା ଗଠିତ ହୋଇ ଯାଇଛି । ଆଜି ସହରର ଏକ…
ବିଜେପିରେ ଯୋଗଦେଲେ ଦିଲ୍ଲୀପ ଏବଂ ସୁନୀଲ ଅନୁଗୁଳ – ପୌର ନିର୍ବାଚନ ପାଇଁ ରାଜନୀତି ସରଗରମ ହୋଇ ଉଠିଛି । ନିଜ ନିଜ ଦଳର ପତିଆରା କେମିତି ଜାହିର ହେବ ସେଥିପାଇଁ ସମସ୍ତ ଚେଷ୍ଟା…
ଇସ୍ତଫା ଦେଲେ ମଣ୍ଟୁ – ସାଙ୍ଗଠନିକ ଦାୟିତ୍ୱ ସହ ପାଇ ପାରନ୍ତି ଗୁରୁତ୍ୱପୁର୍ଣ୍ଣ ପଦ ଅନୁଗୁଳ – ଅନୁଗୁଳ ଅନଲାଇନର ଅନୁମାନ ସତ ହେଲା । ଉପ-ବାଚସ୍ପତି ପଦରୁ ଅନୁଗୁଳ ବିଧାୟକ ରଜନୀକାନ୍ତ ସିଂହ ଖୁବ ଶୀଘ୍ର ଇସ୍ତଫା ଦେଇ ପାରନ୍ତି ଆଉ…