ମୁଖ୍ୟ ଖବର ବାରହା ଆକ୍ରମଣରେ ଛେଳି ଚରାଳି ମୃତ Angul OnlineFebruary 5, 2022February 5, 2022 ଛେଣ୍ଡିପଦା – ଅନୁଗୁଳ ଜିଲ୍ଲା ଜରପଡା ବନାଞ୍ଚଳ ଅନ୍ତର୍ଗତ ବୁଢୀପାହଡ ଜଙ୍ଗଲ ନିକଟ ଏକ ଆମ୍ବଟୋତାରେ ବାରାହା ଆକ୍ରମଣରେ ଜଣେ ଛେଳି ଚରାଳିଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ ଜେରେଙ୍ଗ ଦେହୁରୀସାହିର ସନୁ ସାହୁ । ସୂଚନା ଅନୁସାରେ , ଜେରେଙ୍ଗ ଦେହୁରୀସାହିର ସନୁ ସାହୁ ଆଜି ବୁଢୀପହାଡ ନିକଟ ଆମ୍ବତୋଟାକୁ ଛେଳି ଚରାଇବାକୁ ଯାଇଥିବା ବେଳେ ଅନେକ ସମୟ ଧରି ଘରକୁ ଫେରି ନଥିଲେ । ଛେଳି ମାନେ ଘରକୁ ଫେରିବା ପରେ ପରିବାର ଲୋକଙ୍କ ସନ୍ଦେହ ହୋଇଥିଲା । ପରିବାର ଲୋକେ ଓ ଗ୍ରାମବାସୀ ସନୁଙ୍କୁ ଖୋଜିବାକୁ ଯାଇଥିବା ବେଳେ ବୁଢିପାହାଡ ନିକଟ ଅମ୍ବତୋଟାରେ ସନୁଙ୍କ କ୍ଷତବିକ୍ଷତ ମୃତ ଶରୀର ପଡିଥିବା ଦେଖିଥିଲେ । ସନୁଙ୍କ ମୃତ ଶରୀର ପାଖରେ ଏକ ଜଙ୍ଗଲୀ ବାରାହା ଜଗିରହି ଥିଲା । ଲୋକଙ୍କୁ ଦେଖି ବାରାହାଟି ଲୋକଙ୍କୁ ଆକ୍ରମଣ କରିବାକୁ ଚେଷ୍ଟା କରିଥିବା ବେଳେ ସେଠାରୁ ପରିବାର ଲୋକେ ଓ ଗ୍ରାମବାସୀ ଜୀବନ ବିକଳରେ ପଳାଇ ଆସି ଜରପଡା ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗ ଜରପଡା ପୁଲିସ ସହାୟତାରେ ଘଟଣା ସ୍ଥଳରେ ପହଞ୍ଚି ଥିଲେ । ସେତେବେଳକୁ ଘଟଣା ସ୍ଥଳରେ ଲୋକ ଜମା ହୋଇ ସାରିଥିଲେ । ମୃତକଙ୍କ ପରିବାରକୁ କ୍ଷତିପୂରଣ ଦାବି କରି ଲୋକମାନେ ସନୁଙ୍କ ମୃତଦେହ ଛାଡ଼ିନଥିଲେ । ସରକାରଙ୍କ ନିୟମାନୁଯୟୀ ମୃତକଙ୍କ ପରିବାରକୁ କ୍ଷତିପୂରଣ ପ୍ରଦାନ କରାଯିବ ବୋଲି ବନବିଭାଗ ଓ ପୋଲିସ ବୁଝା ସୁଝା କରିବା ଉତ୍ତ୍ୟକ୍ତ ଲୋକ ଶାନ୍ତ ହୋଇଥିଲେ । Advertisement
ବିଶିଷ୍ଟ ସ୍ୱାଧୀନତା ସଂଗ୍ରାମୀ ବିଛନ୍ଦ ଚରଣ ପ୍ରଧାନଙ୍କ ପରଲୋକ ତାଳଚେର – ଅନୁଗୁଳ ଜିଲ୍ଲାର ବିଶିଷ୍ଟ ସ୍ୱାଧୀନତା ସଂଗ୍ରାମୀ ବିଛନ୍ଦ ଚରଣ ପ୍ରଧାନଙ୍କର ୧୦୩ ବର୍ଷ ବୟସରେ ପରଲୋକ ହୋଇଯାଇଛି l ସେ ଗତ କିଛି ଦିନ…
ଜିଲ୍ଲାରୁ ବିଭିନ୍ନ ସ୍ଥାନରୁ ଚୋରି – ତାଳଚେରରେ ୪ ଚୋରଙ୍କୁ ଧରିଲା ପୁଲିସ ଅନୁଗୁଳ – ଅନୁଗୁଳ ଜିଲ୍ଲାର ବିଭିନ୍ନ ସ୍ଥାନରୁ ଚୋରି ଅଭିଯୋଗ ଆସିଥିବା ବେଳେ ତାଳଚେରରେ ଏକ ଚୋର ଦଳ ଏବଂ ସେମାନଙ୍କ ଠାରୁ ଚୋରି ସାମଗ୍ରୀ ଜବତ…
ଅନୁଗୁଳ ଜିଲ୍ଲାର ପୁଅ ତଥା ଓଡ଼ିଆ ଆଇପିଏସ ଅଧିକାରୀ ହେଲେ ରାଜସ୍ଥାନ ଡିଜିପି ଅନୁଗୁଳ – ଅନୁଗୁଳ ଜିଲା ଛେଣ୍ଡିପଦା ବ୍ଳକ ଅନ୍ତର୍ଗତ କୋଶଳା ଗ୍ରାମର ପୁଅ ଉତ୍କଳ ରଞ୍ଜନ ସାହୁ ରାଜସ୍ଥାନ ରାଜ୍ୟର ଡିଜିପି ଭାବେ ଅବସ୍ଥାପିତ ହୋଇଛନ୍ତି ।…