ଅନୁଗୁଳ – ଅନୁଗୁଳ ସହର ମିଶ୍ରପଡାର ଏକ ପାନ ଦୋକାନରେ ପୁଲିସର ଚଢ଼ାଉ କରି ବିପୁଳ ପରିମାଣର ବିଦେଶୀ ମଦ ଜବତ । ଏହା ସହ ଦୋକାନୀ ମୁକେଶ କୁମାର ପୋଦାରକୁ ଗିରଫ କରି କୋର୍ଟ ଚାଲାଣ କରା ଯାଇଛି । ସୁଚନା ଅନୁସାରେ ଦୁର୍ଗା ପୂଜା ଭଷାଣି ଦିନ ସନ୍ଧ୍ଯାରେ ସମସ୍ତ ମଦ ଦୋକାନ ବନ୍ଦ ଥିବା ବେଳେ ମିଶ୍ରପଡାରେ ମଦ ବିକ୍ରୀ ହେଉଥିବା ଖବର ପୁଲିସକୁ ମିଳିଥିଲା । ତଦନ୍ତ କରିବା ପରେ ମିଶ୍ରପଡାର ଏକ ପାନ ଦୋକାନରେ ଏହି ବିଦେଶୀ ମଦ ମିଳୁଥିବା ଜାଣିବା ପରେ ପୁଲିସ ଚଢାଉ କରିଥିଲା । ଚାଢାଉ ବେଳେ ଦୋକାନ ପାଖରୁ ବିଭିନ୍ନ ବ୍ରାଣ୍ଡର ୩୭.୪୫ ଲିଟର ବିଦେଶୀ ମିଳିଥିଲା । ଅନୁଗୁଳ ପୁଲିସ ସମସ୍ତ ମଦ ଜବତ କରିବା ସହ ବେଆଇନ ଭାବେ ମଦ ବିକ୍ରି କରୁଥିବା ଅଭିଯୋଗରେ ମୁକେଶ କୁମାର ପୋଦାରକୁ ଗିରଫ କରି କୋର୍ଟ ଚାଲାଣ କରା ଯାଇଥିବା ଅନୁଗୁଳ ଥାନା ଅଧିକାରୀ ଧିରେଶ କୁମାର ଦାସ ସୁଚନା ଦେଇଛନ୍ତି ।