ମୁଖ୍ୟ ଖବର ସରକାରୀ ଏସି ଗାଡ଼ିରେ ବୁଲୁଛି ବାବୁଙ୍କ ବିଲାତି କୁକୁର Angul OnlineMarch 11, 2024March 11, 2024 ଅନୁଗୁଳ – ସରକାରୀ ଗାଡ଼ିରେ ବୁଲୁଛି ବାବୁଙ୍କ ବିଲାତି କୁକୁର । ତା ପୁଣି ଏସି ଲଗେଇ । ଏଭଳି ଦୃଶ୍ୟ ଦେଖିବାକୁ ମିଳିଛି ଅନୁଗୁଳ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ । ତେବେ ଗାଡି ଓ ବାବୁ ବାହାର ଜିଲ୍ଲାର ବୋଲି ଜଣା ପଡିଛି । ସୂଚନା ଅନୁସାରେ ଆଜି ଅପରାହ୍ନରେ ଅନୁଗୁଳ ଜିଲ୍ଲାପାଳଙ୍କ କାର୍ଯ୍ୟାଳୟରେ OD 09 Q 2833 ନମ୍ବର ଧାରୀ ଏକ ମହିନ୍ଦ୍ରା ଗାଡି ବୁଲୁଥିଲା । ଯେଉଁଥିରେ ଏହା ବନ ବିଭାଗର ଗାଡି ବୋଲି ଫଳକ ମଧ୍ୟ ଲାଗିଥିଲା । ତେବେ ଗାଡି ଭିତରେ କୌଣସି ସରକାରୀ ବାବୁ ନଥିଲେ । ଏସି ଗାଡି ଭିତରେ ବୁଲୁଥିଲା ବିଲାତି କୁକୁର । ଚାଳକଙ୍କୁ ପଚାରିବାରୁ ଏହା କେନ୍ଦୁଝର ବନ ବିଭାଗର ଗାଡି ଏବଂ ବାବୁଙ୍କ ଘର ଅନୁଗୁଳକୁ ଆସିଛନ୍ତି ବୋଲି କହିଥଲେ । ବାବୁ ଜଣଙ୍କ କିଏ ବୋଲି ଚାଳକ ସ୍ପଷ୍ଟ କରି ନଥିଲେ ମଧ୍ୟ ବାବୁ କୁଆଡେ ତାଙ୍କ ବନ୍ଧୁକ ଲାଇସେନ୍ସର ରିନ୍ୟୁଆଲ ପାଇଁ ଆସିଥିବା ଜଣା ପଡ଼ିଛି । ତେବେ ବାବୁ ଜଣଙ୍କ ଘର ଅନୁଗୁଳ ସହରରେ ହୋଇଥିବା ବେଳେ ବାବୁଙ୍କ କୁକୁର ଗାଡ଼ିରେ ବୁଲୁଥିଲା । ତା ପୁଣି ଏସି ଲଗାଇ । ଜିଲ୍ଲାପାଳଙ୍କ କାର୍ଯ୍ୟାଳୟରେ ଏଭଳି ଦୃଶ୍ୟ ଦେଖୁଥିବା ଲୋକ ସବୁ ଏଭଳି ଘଟଣା ଦେଖି ଆଶ୍ଚର୍ଯ୍ୟ ପ୍ରକଟ କରିବା ସହ ନିନ୍ଦା କରିଥିଲେ । ସାଧାରଣ ଲୋକଙ୍କ କର ଖଜଣା ଟଙ୍କାରେ ଲାଗୁଥିବା ଗାଡିକୁ ଅପବ୍ୟବହାର କରୁଥିବା ବାବୁଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି ହୋଇଛି । Advertisement
ମହିଳାଙ୍କ ସହ ୪ ଚେନ ଲୁଟେରା ଗିରଫ ତାଳଚେର – ଅନୁଗୁଳ ତାଳଚେରର ଜନଗହଳିପୂର୍ଣ୍ଣ ସ୍ପଷ୍ଟ ଦିବାଲୋକରେ ପୁଲିସ୍କୁ ଚ୍ୟାଲେଞ୍ଜ ଦେଇ ଗୋଟିଏ ପରେ ଗୋଟିଏ ସ୍ଥାନରୁ ମହିଳାଙ୍କ ଠାରୁ ସୁନାଚେନ୍ ଝାମ୍ପିନେଇ ଆଖି ପିଛୁଳାକେ…
ମାନସିକ ଭାରସାମ୍ୟ ହରାଇ ଆତ୍ମହତ୍ୟା କଲେ ସଂକ୍ରମିତ ବୃଦ୍ଧ ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା କାଠପାଳ ଗାଁରେ ଜଣେ କରୋନା ଆକ୍ରାନ୍ତଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ଜଣଙ୍କ ହେଲେ ସେହି…
ଜାତୀୟ ପ୍ରତିଯୋଗିତାରେ ଚମକିଲେ ଅନୁଗୁଳର ପୁଅ – ଓଡ଼ିଶାକୁ ଦେଲେ ପଦକ ଅନୁଗୁଳ – ନୂଆଦିଲ୍ଲୀର ଜବାହାରଲାଲ ନେହେରୁ ଷ୍ଟାଡିୟମରେ ୨୩ ବର୍ଷରୁ କମ ଜାତୀୟ ଆଥଲେଟିକ୍ସ ଚାମ୍ପିଅନସିପରେ ଓଡ଼ିଶାକୁ ଗୋଟିଏ ପଦକ ମିଳିଛି । ଉଚ୍ଚ ଡିଆଁରେ ଅନୁଗୁଳର…