ଅନୁଗୁଳ – ହଟୁ ନାହିଁ ଶୁଖିଲା ଗଛ – ରାସ୍ତା ପାଲଟିଛି ଖୋଲା ବାର ଖବର ଅନୁଗୁଳ ଅନଲାଇନରେ ପ୍ରାକାଶ ପରେ ସେହି ରାସ୍ତାରୁ ପଡିଥିବା ଶୁଖିଲା ଗଛକୁ ହଟା ଯାଇଛି । ଯାହା ଫଳରେ ସେହି ରାସ୍ତାରେ ପ୍ରାୟ ୧୫ ଦିନ ହେବ ଯେଉଁ ଚଳାଚଳ ବନ୍ଦ ରହିଥିଲା ତାହା ସ୍ଵଭାବିକ ହୋଇଛି । ସୂଚନା ଅନୁସାରେ ଗତ ପ୍ରାୟ ୧୫ ତଳୁ କାଳ ବୈଶାଖୀ ପ୍ରଭାବରେ ଅନୁଗୁଳ ଅମଲାପଡା ଜୟଦୁର୍ଗା ପଡିଆ ପଛ ପାଖରେ ଏକ ଶିମିଳି ଗଛ ଭାଙ୍ଗି ପଡିଥିଲା । ଯାହାକି ସେବେଠାରୁ ଗତକାଲି ଯାଏ ପଡି ରହିଥିଲା ।  ଯାହାଫଳରେ ରାସ୍ତା ଅବରୋଧ ହେବା ସହ ରାସ୍ତାରେ ମଦ୍ୟପଙ୍କ ଆଡାସ୍ଥଳୀ ପାଲଟିଥିଲା । ଦିନ ଦ୍ଵିପହରରେ ମଧ୍ୟ ସେଠାରେ ମଦ ପିଉଥିବା ଦେଖିବାକୁ ମିଳିଥିଲା । ତେବେ ଏ ନେଇ ୬ ତାରିଖରେ ଅନୁଗୁଳ ଅନଲାଇନ ପକ୍ଷରୁ ଖବର ପ୍ରସାରଣ ପରେ ପୌରପାଳିକା ପକ୍ଷରୁ ଜେସିବି ମେସିନ ଲଗାଇ ରାସ୍ତାରୁ ଗଛକୁ ଗୋଟିଏ ପାଖକୁ ହଟେଇ ଦିଆ ଯାଇଛି । ଯାହା ଫଳରେ ସେ ରାସ୍ତାରେ ବର୍ତ୍ତମାନ ଚଳାଚଳ ସ୍ଵାଭାବିକ ହୋଇଛି ।