ଅନୁଗୋଳ – ଅନୁଗୋଳ ସହର ଉପକଣ୍ଠ ଦୁର୍ଗାବିହାର ଅଂଚଳରୁ ସେକ୍ସ ରାକେଟ ଠାବ କରିଛି ଅନୁଗୋଳ ପୁଲିସ । ଅନେକ ଦିନ ହେଲା ଏକ ଭଡା ଘରେ ସେକ୍ସ ରାକେଟ ଚାଲୁଥିବା ପୁଲିସ ପାଖରେ ଖବର ଥିବା ବେଳେ ସମ୍ପୃକ୍ତ ଘର ଉପରେ ନଜର ରଖିଥିଲା । ଗତକାଲି ରାତିରେ ଗରାଖ ଥିବା ସମୟରେ ପୁଲିସ ସଦଳବଳେ ଚଢ଼ାଉ କରିଥିଲା । ଚଢ଼ାଉ ବେଳେ ଘର ଭିତରୁ ଦୁଇ ଜଣ ଗରାଖଙ୍କୁ ଗିରଫ କରିଥିଲା । ଏହା ସହ ଏହି ସେକ୍ସ ରାକେଟ ଚଳାଇଥିବା ଦେବଗଡ଼ ଅଞ୍ଚଳର ମହିଳା କିଙ୍ଗପିନ ସମେତ ଦୁଇ ଜଣ ଯୁବତୀଙ୍କୁ ଉଦ୍ଧାର କରା ଯାଇଥିଲା । ଘରୁ ଅନେକ ଆପତ୍ତିଜନକ ସାମଗ୍ରୀ ମଧ୍ୟ ଜବତ କରା ଯାଇଥିବା ପୁଲିସ ସୂଚନା ଦେଇଛି ।