ଅପରାଧ ନାବାଳକଙ୍କ ଠାରୁ ଚୋରି ମୋଟରସାଇକେଲ ଉଦ୍ଧାର Angul OnlineNovember 9, 2022November 9, 2022 ଅନୁଗୁଳ – ଅନୁଗୁଳ ସହର ଓ ଏହାର ଆଖପାଖ ଅଞ୍ଚଳରୁ ବିଭିନ୍ନ ସମୟରେ ମୋଟରସାଇକେଲ ଚୋରି ହେଉଥିବା ବେଳେ ପୁଲିସ ପାଇଁ ଚାଲେଞ୍ଜ ସୃଷ୍ଟି କରିଛି । ତେବେ ଏହି ଚୋରି ରାକେଟରେ ନାବାଳକ ସାମିଲ ଥିବା ଜଣା ପଡ଼ିଛି । ଅନୁଗୁଳ ସଦର ପୁଲିସ ବୁଧବାର ୩ ଜଣ ନାବାଳକଙ୍କଠାରୁ ୬ଟି ଚୋରି ମୋଟରସାଇକେଲ ଉଦ୍ଧାର ପରେ ଏ କଥା ସ୍ପଷ୍ଟ ହୋଇଛି । ସୂଚନା ଅନୁସାରେ , ସଦର ଥାନା ଅନ୍ତର୍ଗତ କରଡ଼ାଗାଡ଼ିଆ ଗାଁର ଧୃବ ଚରଣ ଦାସଙ୍କ ଘରୁ ସେପ୍ଟେମ୍ବର ୨୯ ତାରିଖ ରାତିରେ ୨ଟି ମୋଟରସାଇକେଲ ଚୋରି ହୋଇଥିଲା । ସେହିଭଳି ପ୍ରଗତିନଗରରୁ ସୌମ୍ୟ ରଞ୍ଜନ ଜେନାଙ୍କର ଗୋଟିଏ ୪ ଲକ୍ଷ ଟଙ୍କାରୁ ଉର୍ଦ୍ଧ୍ବ ମୂଲ୍ୟର ବିଏମଡବ୍ଲୁ ମୋଟରସାଇକେଲ ଚୋରି ହୋଇଥିଲା । ଏ ଦୁଇ ମୋଟରସାଇକେଲ ଚୋରି ଅଭିଯୋଗ ହେବା ପରେ ପୁଲିସ ଘଟଣାର ଛାନଭିନ କରିଥିଲା । ତଦନ୍ତ ବେଳେ ଅନୁଗୁଳ ଗାଣ୍ଡୁ ପଡ଼ିଆରେ ରହୁଥିବା ହଣ୍ଡପା ଥାନା ଅଞ୍ଚଳର ଜଣେ ଓ ଠାକୁରଗଡ଼ ଥାନା ଅଞ୍ଚଳର ୨ ଜଣ ନାବାଳକଙ୍କ ଘରେ ଚଢ଼ାଉକରି ୩ ଟି ଚୋରି ମୋଟରସାଇକେଲ ଜବତ କରିଥିଲା । ଏହା ସହ କଣିହାଁ ଥାନା ଅନ୍ତର୍ଗତ ବଂଶମୁଣ୍ଡା ଗାଁର ସମୟ ନାଏକ ଓ ପ୍ରକାଶ ଚନ୍ଦ୍ର ସେଠୀଙ୍କ ଘରୁ ୨ଟି ମୋଟରସାଇକେଲ ଜବତ କରିଥିଲା । ସମୟ ଓ ପ୍ରକାଶ ଏହି ନାବାଳକ ମାନଙ୍କ ଠାରୁ ଚୋରି ମୋଟରସାଇକେଲ କିଣିଥିବା ପୁଲିସ ସୂଚନା ଦେଇଛି ପୁଲିସ ୩ ନାବାଳକଙ୍କୁ ସ୍ବଧାର ଗୃହକୁ ପଠାଇଥିବା ବେଳେ ଚୋରି ବାଇକ୍ କିଣିଥିବା ଦୁଇ ଜଣଙ୍କୁ କୋର୍ଟ ଚାଲାଣ କରିଛି । Advertisement
ଏକତରଫା ପ୍ରେମ ପାଇଁ କାଟିଦେଲେ ଗୁପ୍ତାଙ୍ଗ !!! ଅନୁଗୁଳ – ଅନୁଗୁଳ ଆଠମଲ୍ଲିକ ବ୍ଲକ ଜାମୁଡୋଲୀ ଗ୍ରାମପଞ୍ଚାୟତ ତାଳବିଜପୁରୁ ଗ୍ରାମରେ ଏକ ଅଭାବନୀୟ ଘଟଣା ଘଟୋଇ ଯାଇଛି । ଏକ ତରଫା ପ୍ରେମରୁ ଜଣେ ଯୁବକଙ୍କର…
ଧରା ହେଲେ ଡିଜେଲ ମାଫିଆ – ୯୫୦ ଲିଟର ତେଲ ଜବତ , ପାଞ୍ଚ ଗିରଫ କଣିହାଁ – ଅନୁଗୁଳ ଜିଲ୍ଲା କଣିହାଁ ଥାନା କୁମୁଣ୍ଡା କାଜୁ ଜଙ୍ଗଲ ନିକଟ ଏକ ପଡିଆରୁ ଶୁକ୍ରବାର ଭୋର ସମୟରେ ଏକ ଡିଜେଲ ଚୋରା ରାକେଟ ଉପରେ…
ସମ୍ପତ୍ତି ପାଇଁ ଭାଇକୁ ମରଣାନ୍ତକ ଆକ୍ରମଣ ଅନୁଗୁଳ – ସମ୍ପତ୍ତି ବିବାଦକୁ ନେଇ ମରଣାନ୍ତକ ଆକ୍ରମଣ । ଜଣେ ଭାଇର ଆକ୍ରମଣରେ ଆଉ ଜଣେ ଭାଇ ଗୁରୁତର ଥିବା ବେଳେ ଅବସ୍ଥା ଗୁରୁତର ହେବାରୁ…