ଅନୁଗୁଳ – ଅନୁଗୁଳ ଜିଲ୍ଲା ବିଜୁ ଜନତା ଦଳର ଯୁବ ଦକ୍ଷ ସଂଗଠକ ସୁଜିତ୍ ପ୍ରସାଦ ଦ୍ବିବେଦୀ (ବାପୁ) ଦ୍ଵିତୀୟ ଥର ପାଇଁ ବିଜୁ ଯୁବ ଜନତା ଦଳର ରାଜ୍ୟ ଉପସଭାପତି ଭାବେ ମନୋନୀତ ହୋଇଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ରାଜ୍ୟ ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ ପୁଣି ଥରେ ତାଙ୍କୁ ଏହି ଦାୟୀତ୍ଵ ଦେଇଥିବା ବେଳେ ସେ ସର୍ବଦା ବିଜୁ ଜନତା ଦଳ ପାଇଁ ନିଜକୁ ଉତ୍ସର୍ଗ କରି କାର୍ଯ୍ୟକରି ଆସୁଛନ୍ତି ଏବଂ ଆଗକୁ ମଧ୍ୟ କରିବେ ବୋଲି ପ୍ରତିକ୍ରିୟାରେ କହିଛନ୍ତି । ପୂର୍ବରୁ ଅନେକ ଥର ଜିଲ୍ଲା ଛାତ୍ର ସଭାପତି , ରାଜ୍ୟ ଛାତ୍ର ସାଧାରଣ ସଂପାଦକ , ପରେ ପରେ ରାଜ୍ୟ ଯୁବ ସାଧାରଣ ସଂପାଦକ ଦାୟୀତ୍ଵ ସୂଚାରୁ ରୂପେ ତୁଲାଇବା ସହ ଦଳର ଅନେକ ସାଙ୍ଗଠାନିକ ଦାୟିତ୍ଵ ମଧ୍ୟ ନେଇଛନ୍ତି । ଏବେ ଦ୍ଵିତୀୟ ଥର ପାଇଁ ରାଜ୍ୟ ଉପସଭାପତି ଭାବେ ଦାୟୀତ୍ଵ ମିଳିଥିବାରୁ ସେ ବିଜୁ ଜନତା ଦଳର ରାଜ୍ୟ ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ, ରାଜ୍ୟ ସାଂଗଠନିକ ସମ୍ପାଦକ ଶ୍ରୀଯୁକ୍ତ ପ୍ରଣବ ପ୍ରକାଶ ଦାସ ଏବଂ ତାଙ୍କର ଆଦର୍ଶ ମାନି ଓଡ଼ିଶା ବିଧାନସଭାର ମାନ୍ୟବର ଉପବାଚସ୍ପତି ତଥା ଅନୁଗୁଳର ବିଧାୟକ ଶ୍ରୀଯୁକ୍ତ ରଜନୀକାନ୍ତ ସିଂହଙ୍କ ସମେତ ଅନୁଗୁଳ ଜିଲ୍ଲାର ସମସ୍ତ ବିଧାୟକ ମାନଙ୍କୁ ଧନ୍ୟବାଦ୍ ଦେଇଛନ୍ତି ।