ମୁଖ୍ୟ ଖବର ଗତକାଲି ଅନୁଗୁଳ ଷ୍ଟେସନରେ ଦେଲେ ଯୋଗ – ଆଜି ରେଳଧାରଣାରୁ ମିଳିଲା ମୃତଦେହ Angul OnlineJanuary 27, 2024January 27, 2024 ଅନୁଗୁଳ – ଅନୁଗୁଳ ଷ୍ଟେସନ ନିକଟ ରେଳ ଧାରଣାରୁ ଶନିବାର ଜଣେ ଯୁବକଙ୍କ ମୃତ ଦେହ ଉଦ୍ଧାର ହୋଇଛି । ମୃତକ ଜଣଙ୍କ ହେଲେ ଛେଣ୍ଡିପଦା ଥାନା ବ୍ରହ୍ମଣବିଲ ଗ୍ରାମର ରଞ୍ଜନ ସାହୁଙ୍କ ପୁଅ ଲିପନ ସାହୁ । ସେ ଗତ ୫/୬ ବର୍ଷ ହେବ ଭାରତୀୟ ରେଳ ବିଭାଗରେ ଲୋକୋ ପାଇଲଟ ଭାବରେ କାର୍ଯ୍ୟ କରୁଥିଲେ l କିଛି ଦିନ ହେଲା ତାଙ୍କର ପଲାସା ଷ୍ଟେସନ ବଦଳି ହୋଇଥିବା ବେଳେ ସେଠାରେ ଜୁନିୟର ଇଞ୍ଜିନିୟର ଭାବେ ନିଯୁକ୍ତି ପାଇଥିଲେ l ହେଲେ କିଛି ଦିନ ସେଠାରେ କାର୍ଯ୍ୟ କରିବା ପରେ ସେଠାରୁ ତାଙ୍କର ଅନୁଗୁଳ ଷ୍ଟେସନକୁ ପୁନଃ ବଦଳି ହୋଇ ଜୁନିୟର ଇଞ୍ଜିନିୟର ଭାବେ ନିଯୁକ୍ତ ପାଇଥିଲେ l ଯାହା ଫଳରେ ସେ ଗତ କାଲି ଅନୁଗୁଳ ଷ୍ଟେସନରେ ରିପୋର୍ଟିଂ କରିବା ସହ କାର୍ଯ୍ଯରେ ଜଏନ୍ କରିଥିଲେ l ଜଏନ୍ କରିବା ପରେ ସେ ଅନୁଗୁଳରେ ରହୁଥିବା ଜଣେ ସାଙ୍ଗ ପାଖକୁ ଯାଇ ସେଠାରେ ରହିଥିଲେ l ଆଜି ସକାଳ ୮ ଘଟିକାରୁ ରୁମ୍ ରୁ ବାହାରି ଡ୍ୟୁଟି ଆସିଥିଲେ l ହେଲେ ୯ ଟା ବେଳେ ଅନୁଗୁଳ ଷ୍ଟେସନ କଲୋନୀ ନିକଟସ୍ଥ ରେଳ ଧାରଣାରୁ ଲିପନଙ୍କର ଖଣ୍ଡ ବିଖଣ୍ଡିତ ମୃତ ଦେହ ଉଦ୍ଧାର କରିଥିଲା ରେଳବାଇ ପୁଲିସ l କିଛି ମାସ ପରେ ତାଙ୍କର ବିବାହ ହୋଇଥାନ୍ତା l ହେଲେ ଆଜି ତାଙ୍କର ଏଭଳି ମୃତ୍ୟୁ ସମସ୍ତଙ୍କୁ ଚକିତ କରିଥିବା ବେଳେ ମୃତ୍ଯୁ କେମିତି ହେଲା ତାହା ଜଣାପଡି ନାହିଁ l ଅନୁଗୁଳ ରେଳବାଇ ପୁଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଚଳାଇଛି l Advertisement
ପଞ୍ଜାବରୁ ଆସି କରୁଥିଲେ ଅପରାଧ – ମାରଣାସ୍ତ୍ର ସହ କାବୁ କଲା ପୁଲିସ ଅନୁଗୁଳ – ଅନୁଗୁଳ ଜିଲ୍ଲା ନାଲକୋ ପୁଲିସ କବଜାରେ ପଞ୍ଜାବର ଦୁଇ ଅପରାଧୀ । ଯେଉଁମାନେ ଅନୁଗୁଳ ଜିଲାରେ ରହି ବିଭିନ୍ନ ପ୍ରକାର ଅପରାଧ ଘଟାଉ ଥିବା…
ଟିଟିପିଏସ୍ର ତୃତୀୟ ପର୍ଯ୍ୟାୟ ସଂପ୍ରସାରଣ ପାଇଁ ଧର୍ମେନ୍ଦ୍ରଙ୍କ ଚିଠି ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ତାପଜ ବିଦ୍ୟୁତ କେନ୍ଦ୍ର ବା ଏନଟିପିସି ଟିଟିପିଏସ୍ର ତୃତୀୟ ପର୍ଯ୍ୟାୟ ସଂପ୍ରସାରଣକୁ ତ୍ୱରାନ୍ୱିତ କରାଯିବ । ଭବିଷ୍ୟତରେ ଏହି ପ୍ରକଳ୍ପ…
ଜିଲ୍ଲା ମୁଖ୍ୟ ଚିକିତ୍ସାଳୟରେ ଦଲାଲ ସନ୍ଦେହରେ ଯୁବକ ଅଟକ ଅନୁଗୁଳ – ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଆଜି ଜଣେ ଯୁବକକୁ ଦଲାଲ ସନ୍ଦେହରେ ସୁରକ୍ଷାକର୍ମୀ ଧରି ପୁଲିସ ର ଜିମା ଦେଇଛନ୍ତି। ସୂଚନା ଅନୁସାରେ,…