ଅନୁଗୁଳ – ଅନୁଗୁଳ ଜିଲ୍ଲ ଦୈ ଯାଇଥିବା ଜାତୀୟ ରାଜପଥ ୫୫ ର ଜରପଡା ଥାନା ତୁକୁଡ଼ା ଠାରେ ବୁଧବାର ରାତି ପ୍ରାୟ ୧୧ ଟା ବେଳକୁ ଏକ ଟ୍ରକ୍ ପଛରେ ମୋଟରସାଇକେଲ ପିଟି ହୋଇ ଯିବାରୁ ଦୁଇ ଭାଇଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି । ସୁଚନା ଅନୁସାରେ ତୁକୁଡା ମାହରସାହିର ନିରଞ୍ଜନ ମାହାରଙ୍କ ଦୁଇ ପୁଅ ସଞ୍ଜୟ ମାହାର ଓ ସରୋଜ ମାହାର ଟଙ୍କା ଉଠାଇବାକୁ ଜରପଡା ଏଟିଏମ୍ କୁ ମୋଟରସାଇକେଲରେ ଆସୁଥିବା ବେଳେ ଦୃତ ଗତି ଯୋଗୁଁ ଭାରସାମ୍ୟ ହରାଇ ଏକ ଟ୍ରକ୍ ପଛରେ ପିଟି ହୋଇଯାଇଥିଲେ । ଦୁର୍ଘଟଣା ଫଳରେ ଦୁଇ ଭାଇଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଖବର ପାଇ ଘଟଣା ସ୍ଥଳରେ ପୁଲିସ ପହଞ୍ଚି ଶବ ଦୁଇଟିକୁ ବ୍ଯବଛେଦ କରି ତଦନ୍ତ କରୁଛି । ଦୁଇ ଭାଇଙ୍କ ମୃତ୍ୟୁ ରେ ଗାଁରେ ଶୋକର ଛାୟା ଖେଳି ଯାଇଛି ।