ଅନୁଗୁଳ – କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶନିବାର ଅନୁଗୁଳ ଜିଲ୍ଲା ଗସ୍ତ କରି ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି । ଦିନ ତମାମ ତାଳଚେରରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବା ପରେ ସନ୍ଧ୍ୟାରେ ଅନୁଗୁଳ ଗସ୍ତ କରି ଅନୁଗୁଳ ଅମଲାପଡାରେ ବାସନ୍ତୀ ଦୁର୍ଗା ପୂଜା ମଣ୍ଡପରେ ପହଂଚି ଦର୍ଶନ କରିବା ସହ ପୂଜାର୍ଚନା କରିଥିଲେ । ଏଠାରେ ସେ ବାସନ୍ତୀ ଦୂର୍ଗା ପୂଜା କମିଟିର ସଭାପତି ଶକ୍ତି ପ୍ରସାଦ ପଟନାୟକ , ଉପ-ସଭାପତି ଯତୀନ ସେଠୀ , ଆଇନଜୀବୀ ପ୍ରଦୀପ ଦେବତା , ରଶ୍ମି ରଞ୍ଜନା ପ୍ରଧାନଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥିଲେ । ପରେ ବନ୍ତଳା ରେ ଦୁର୍ଗା ପୂଜା ମଣ୍ଡପ ରେ ଯୋଗଦେଇ ମା ଙ୍କର ଦର୍ଶନ କରିଥିଲେ । ବନ୍ତଳା ର ରାମ ମନ୍ଦିରରେ ନବରାତ୍ରୀ ବିଶେଷ ପୂଜା ଓ ଯଜ୍ଞରେ ଯୋଗଦେଇ ପୂଜାର୍ଚନା କରିବା ସହ ଜଗତର କଲ୍ୟାଣ ତଥା ସମସ୍ତଙ୍କର ସୁଖ ସମୃଦ୍ଧି କାମନା କରିଥିଲେ । ବନ୍ତଳା ରାମ ମନ୍ଦିର କମିଟି ର ମୁଖ୍ୟ ପୁରୋଧା ତଥା ବିଶ୍ୱହିନ୍ଦୁ ପରିଷଦ ର ରାଜ୍ୟ ସାଧାରଣ ସମ୍ପାଦକ ପଣ୍ଡିତ ମହେଶ ସାହୁ, ଅନୁଗୁଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ, ଛେଣ୍ଡିପଦା ବିଧାୟକ ଅଗସ୍ତି ବେହେରା, ଜିଲ୍ଲା ସଭାପତି ଯଯାତି ପଟ୍ଟନାୟକ, ପ୍ରାକ୍ତନ ଜିଲ୍ଲା ସଭାପତି ଦିଲେଶ୍ଵର ପ୍ରଧାନଙ୍କ ସମେତ ଶତାଧିକ କାର୍ଯ୍ୟକର୍ତା ଉପସ୍ଥିତ ଥିଲେ ।
ମା ବାସନ୍ତୀଙ୍କ ଆଶିଷ ଲାଭ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର
