ମୁଖ୍ୟ ଖବର ଗୋଟିଏ ପରେ ଗୋଟିଏ ଛେଳି ଖାଉଛି ବାଘ – ଅଞ୍ଚଳରେ ଭୟ Angul OnlineMarch 11, 2024March 11, 2024 ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ବନାଞ୍ଚଳର କଣଲୋଇ ସଂରକ୍ଷିତ ଜଙ୍ଗଲରେ ଗତ କିଛି ଦିନ ହେବ ଏକ ବାଘ ଶିକାର କରି ୬ଟି ଉର୍ଦ୍ଧ ଛେଳି ଖାଇଥିବା ନେଇ ଗ୍ରାମବାସୀ ଜାଣିବା ପରେ ଭୟରେ ସ୍ଥାନୀୟ ଲୋକ ଘରୁ ବାହାରୁ ନାହାନ୍ତି । ତିନି ଚାରିଦିନ ତଳେ ବାଘଟି ୨ଟି ଛେଳି ଶିକାର କରିଥିବା ଅଭିଯୋଗ ପରେ ସ୍ଥାନୀୟ ବାସିନ୍ଦା ଏବେ ଭୟଭିତ ଅଛନ୍ତି । ଖବର ପାଇ ବନାଞ୍ଚଳ ଅଧିକାରୀ ଓ ବନ କର୍ମଚାରୀ ମନେ ଘଟଣାସ୍ଥଳରେ ପହଁଞ୍ଚି ପାଦଚିହ୍ନ ଯାଞ୍ଚ କରିଛନ୍ତି । ବନ ବିଭାଗ ପକ୍ଷରୁ ଜଙ୍ଗଲରେ କ୍ୟାମେରା ଲଗାଯାଇ ବାଘର ଗତିବିଧି ଉପରେ ନଜର ରଖାଯାଇଛି । ତେବେ ମିଳିଥିବା ପାଦଚିହ୍ନରୁ ତାହା କଲରାପତରିଆ ବାଘ ବୋଲି ବନ ବିଭାଗ ଅନୁମାନ କରୁଛି । ବାଘ ଭୟରେ ଲୋକେ ଭୟରେ ଗ୍ରାମ ନିକଟରେ ବହି ଯାଉଥିବା ଆଉଁଳି ନଦୀକୁ ଗାଧୋଇଯିବା ବନ୍ଦ କରିଦେଇଛନ୍ତି l ଏପରିକି ସନ୍ଧ୍ୟା ନହେଉଣୁ ଲୋକେ ଗ୍ରାମରୁ ବାହାରକୁ ମଧ୍ୟ ଯିବା ପାଇଁ ଭୟ କରୁଛନ୍ତି । ଘଟଣାରୁ ପ୍ରକାଶ କର୍ଣ୍ଣପାଳ ଗ୍ରାମର ହୃଷିକେଶ ନାୟକ ଗ୍ରାମ ନିକଟରେ ଥିବା କଣଲୋଇ ସଂରକ୍ଷିତ ଜଙ୍ଗଳର ରଙ୍ଗମାଟିଆ ଜଙ୍ଗଲ ପାଦଦେଶରେ ଛେଳି ଚରାଉଥିଲେ l ଛେଳି ଚରାଉଥିବା ବେଳେ ହଠାତ ଛେଳି ମାନଙ୍କର ଚିତ୍କାର ଶୁଣି ସେଠାକୁ ଦଉଡି ଥିଲେ l ସେତେବେଳକୁ ଗୋଟିଏ ଛେଳି ବାଘ କବଳରୁ କ୍ଷତାକ୍ତ ହୋଇ ପଳାଇ ଆସିଥିବା ବେଳେ ଆଉ ଗୋଟିଏ ଛେଲିର ସନ୍ଧାନ ପାଇ ନଥିଲେ l ତେବେ କିଛି ଦିନ ତଳେ ସ୍ଥାନୀୟ ଅଞ୍ଚଳବାସୀ ନଦୀ ବାଲିରେ ବାଘ ପାଦ ଚିହ୍ନ ପଡ଼ିଥିବା ଦେଖି ବାଘ ଆକ୍ରମଣ କରିଥିବା ସନ୍ଦେହ କରିଥିଲେ l ବାଘ ଆକ୍ରମଣରେ ପୂର୍ବରୁ କର୍ଣ୍ଣପାଳ ଗ୍ରାମର ନବଘନ ନାଏକ ବିଦ୍ୟାଧର ପ୍ରଧାନ, ବରୁଣ କଂସାରିଆଙ୍କର ଗୋଟିଏ ଲେଖାଏଁ ଛେଳି ଖାଇଥିବା ଅଭିଯୋଗ କରିଛନ୍ତି l ଘଟଣାସମ୍ପର୍କରେ ବନବିଭାଗ ପାଇ ଘଟଣା ସ୍ଥଳକୁ ଯାଇ ବାଘ ଆକ୍ରମଣରେ ଆହତ ହୋଇଥିବା ପରିବାରଙ୍କୁ ଭେଟି ଘଟଣା ସମ୍ପର୍କରେ ପଚାରାଉଚରା କରିଥିଲେ l ବନବିଭାଗ ପକ୍ଷରୁ ଜଙ୍ଗଲକୁ ଯାଇ ବାଘର ପାଦ ଚିହ୍ନ ଦେଖିବା ସହିତ ଜଙ୍ଗଲ ଭିତରେ ୨ଟି ସ୍ଥାନରେ ଗଛରେ କ୍ଯାମେରା ଲଗାଇ ତଦନ୍ତ ଚଲାଇଛି l ତେବେ ବନ ବିଭାଗ ଏହି ଘଟଣା ପ୍ରତି ଅବଗତ ଥିଲେ ମଧ୍ୟ କୌଣସି ଦୃଷ୍ଟାନ୍ତ ମୂଳକ ପଦକ୍ଷେପ ନେଇନଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି । ଏ ନେଇ ଛେଣ୍ଡିପଦା ବନାଞ୍ଚଳ ଅଧିକାରୀ କୁହନ୍ତି ତାର ପାଦ ଚିହ୍ନରୁ କଲରାପତରିଆ ବାଘ ବୋଲି ଅନୁମାନ କଜା ଯାଉଛି l ଗୋଟିଏ ମାସ ପର୍ଯ୍ୟନ୍ତ କ୍ଯାମେରା ଲାଗିବ l କ୍ଯାମେରାରେ କଏଦ ହେଲା ପରେ ଏ ସମ୍ପର୍କରେ ସବିଶେଷ ଜଣା ପଡିବ ବୋଲି କହିଥିଲେ l Advertisement
ଗଞ୍ଜେଇ ଗାଡି ଧକ୍କାରେ ମହିଳା ମୃତ ଅନୁଗୋଳ – ଗଞ୍ଜେଇ ଗାଡି ଧକ୍କାରେ ମହିଳା ମୃତ । ଏଭଳି ଘଟଣା ଅନୁଗୋଳ ଜିଲ୍ଲା ମହିଧରପୁର ନିକଟରେ ଘଟିଛି । ସୂଚନା ଅନୁସାରେ ଅନୁଗୋଳ-କଟକ ପୁରୁଣା…
କ୍ୱାକଙ୍କ ଚିକିତ୍ସାରେ ଯୁବକ ମୃତ୍ୟୁ – ଘଟଣାକୁ ନେଇ ଉତ୍ତେଜନା ଅନୁଗୁଳ – ଅନୁଗୁଳ ଜିଲ୍ଲା ଠାକୁରଗଡ଼ ଥାନା ଅନ୍ତର୍ଗତ ବନ୍ତୁଲ ଗାଁରେ ସ୍ଥାନୀୟ ଜଣେ କ୍ୱାକଙ୍କ ଚିକିତ୍ସାରେ ରବିବାର ଜଣେ ଯୁବକଙ୍କ ମୃତ୍ୟୁ ହୋଇଛି ।…
ବ୍ୟାଙ୍କ ମ୍ଯାନେଜର ହେଲେ ସାଇବର ଠକେଇର ଶିକାର – ୭ ଲକ୍ଷ ଲୁଟିଲେ ସାଇବର ଲୁଟେରା ଅନୁଗୋଳ – ଅନୁଗୋଳ ଜିଲ୍ଲାରେ ଜଣେ ବ୍ୟାଙ୍କ ପରିଚାଳକଙ୍କଠାରୁ ୭ ଲକ୍ଷ ଲୁଟିଲେ ସାଇବର ଲୁଟେରା । ଟଙ୍କା ଦେଣ ନେଣରେ ଦକ୍ଷତା ଥିବା ବ୍ୟାଙ୍କ ପରିଚାଳକ…