ପାଲଲହଡା – ହାତୀ ଘଉଡ଼େଇବା ହେଲା କାଳ ! ଦନ୍ତା ହାତୀ ଆକ୍ରମଣ ରେ ଯୁବକ ମୃତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ପାଲଲହଡ଼ା ଉପଖଣ୍ଡ ଖମାର ଥାନା ଅନ୍ତର୍ଗତ ଖମାର ବନବିଭାଗ ଶଙ୍ଖମୁର ଗ୍ରାମରେ । ମୃତ ଯୁବକ ଜଣଙ୍କ ସେହି ଗ୍ରାମର ପପୁନ ସେଠି । ଭୋରରୁ ଗାଁ ଭିତରକୁ ହାତୀ ପଶି ଆସିଥିବା ଖବର ପାଇ ଗ୍ରାମବାସୀଙ୍କ ସହ ହାତୀ ଘଉଡାଇବାକୁ ପପୁନ ଯାଇଥିଲେ । ସେହି ସମୟରେ ଦନ୍ତାହାତୀଟି ପପୁନକୁ ଦଳି ଦେଇଥିଲା । ଘଟଣାସ୍ଥଳରେ ପପୁନଙ୍କର ମୃତ୍ୟୁ ହୋଇଥିଲା । ଖମାର ବନବିଭାଗ ଘଟଣା ସ୍ଥଳରେ ପହଞ୍ଚି ହାତୀକୁ ଘଉଡାଇବା ସହିତ ଖମାର ଥାନା ସହାୟତାରେ ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ପାଲଲହଡ଼ା ଉପଖଣ୍ଡ ଚିକିତ୍ସାଳୟକୁ ପଠାଇଛି । ବନବିଭାଗ ପକ୍ଷରୁ ଘଟଣାର ତଦନ୍ତ ଜାରି ରହିଥିବା ସୂଚନା ମିଳିଛି ।