ଅନୁଗୋଳ – ଧାନ ତଳି ଗାଈ ଖାଇ ଦେବାକୁ ନେଇ ହତ୍ୟାକାଣ୍ଡ । ଏଭଳି ଘଟଣା ଅନୁଗୋଳ ଜିଲ୍ଲା ବଅଁରପାଳ ଥାନା ନାରାୟଣଚନ୍ଦ୍ରପୁର ଗାଁରେ ଘଟିଛି । ସୂଚନା ଅନୁସାରେ ଗାଁର ଫଡ଼ି ନାଏକଙ୍କ ଜମିରୁ ଧାନ ତଳି ଗାଈ ଖାଇ ଦେଇଥିଲା । ଯାହାକୁ ନେଇ ଗାଈ ମାଲିକ ସୁଶାନ୍ତ ନାଏକଙ୍କ ସହ ଫଡ଼ି ନାଏକଙ୍କ ଝଗଡା ହୋଇଥିଲା । ତେବେ ରାତି ପ୍ରାୟ ୯ ଟା ବେଳେ ଏହାକୁ ନେଇ ଉଭୟ ପରିବାର ମଧ୍ୟରେ ଝଗଡା ଉଗ୍ରରୂପ ନେଇଥିଲା । ସୁଶାନ୍ତ ଓ ସ୍ତ୍ରୀ ଉତ୍ତ୍ୟକ୍ତ ହୋଇ ଏକ କଟୁରୀ ଓ ତେଣ୍ଟା ସାହାଯ୍ୟରେ ଫଡ଼ିକୁ ଆକ୍ରମଣ କରିଥିଲେ । ଆକ୍ରମଣରେ ଫଡ଼ି ନାଏକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଆକ୍ରମଣକାରୀ ସ୍ୱାମୀ ଓ ସ୍ତ୍ରୀଙ୍କୁ ଅଟକ ରଖି ପଚରାଉଚରା କରୁଛି ।
Advertisement
