ଚାଷ କାମ ବେଳେ ଅଘଟଣ – କୂଅରେ ଟ୍ରାକ୍ଟର ପଡି ଜଣେ ମୃତ

ଅନୁଗୋଳ – ଚାଷ କାମ କରୁଥିବା ବେଳେ ଅନୁଗୋଳ ଜିଲ୍ଲା ଜାମୁଣ୍ଡା ଗାଁରେ ଅଘଟଣ ଘଟି ଯାଇଛି । ଟ୍ରାକ୍ଟର ସାହାଯ୍ୟରେ ଚାଷ କରୁଥିବା ବେଳେ ଅସାବଧାନତା ଯୋଗୁଁ ଖୋଲା କୂଅରେ ଟ୍ରାକ୍ଟର ଖସି ଚାଳକଙ୍କ ମୃତ୍ଯୁ ହୋଇଛି । ମୃତ ଚାଳକ ଓଡ଼କପା ଗାଁର ପୂର୍ଣ୍ଣଚନ୍ଦ୍ର ବେହେରା ବୋଲି ଜଣା ପଡ଼ିଛି । ସୂଚନା ଅନୁସାରେ ଜାମୁଣ୍ଡା ଗ୍ରାମରେ ଆଜି ସକାଳୁ ଟ୍ରାକ୍ଟର ସାହାଯ୍ୟରେ ଚାଷ ଜମିରେ ଚାଷ କରୁଥିବା ବେଳେ ,ଚାଷ ଜମି ପାଖକୁ ଲାଗି ଏକ ଖୋଲା ଗଭୀର କୂଅରେ ଅସାବଧାନତା ଯୋଗୁଁ ଟ୍ରାକ୍ଟର ସମେତ ଚାଳକ ଖସି ପଡ଼ିଥିଲେ । ଖବର ପାଇ ଅନୁଗୋଳ ଅଗ୍ନିଶମ ବିଭାଗାର ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଟ୍ରାକ୍ଟର ସମେତ ଚାଳକଙ୍କୁ ଉଦ୍ଧାର କରିଥିଲେ । ସେତେବେଳକୁ ଚାଳକଙ୍କ ମୃତ୍ୟୁ ହୋଇ ସାରିଥିଲା ।

Advertisement