କଂଗ୍ରେସ ଜିଲ୍ଲା ସଭାପତି ଦେଲେ ଇସ୍ତଫା – ଅମ୍ବିକାଙ୍କୁ ଦାୟୀତ୍ୱ

ଅନୁଗୁଳ – ନୀର୍ବାଚନ ମୁଣ୍ଡ ଉପରେ ଥିବା ବେଳେ ହାଠାତ ଜିଲ୍ଲା କଂଗ୍ରେସ ସଭାପତି ପଦରୁ ସଂଗ୍ରାମ ମିଶ୍ର ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ପରେ ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ ଅନୁଗୁଳର ବରିଷ୍ଠ କଂଗ୍ରେସ ନେତା ଅମ୍ବିକା ଭଟ୍ଟଙ୍କୁ ଅନୌପଚାରିକ ସଭାପତି ରୂପେ ମନୋନୀତ କରିଛନ୍ତି । ନିର୍ବାଚନ ଭଳି ଘଡିସନ୍ଧି ମୁହୂର୍ତ୍ତରେ ସଂଗ୍ରାମ ମିଶ୍ର କାହିଁକି ଇସ୍ତଫା ଦେଲେ ତାହା ସ୍ପଷ୍ଟ ହୋଇ ନଥିବା ବେଳେ ସେ ସଭାପତି ଦାୟୀତ୍ୱ ଗ୍ରହଣ ପରଠାରୁ ଦଳର ଅନେକ ନେତା ଓ କର୍ମୀ ତାଙ୍କ କାର୍ଯ୍ଯକଳାପରେ ଅସନ୍ତୁଷ୍ଟ ଥିଲେ ବୋଲି ଜଣା ପଡିଛି । ଏପରିକି ତାଙ୍କ ବିରୁଦ୍ଧରେ କିଛି ଦଳୀୟ ନେତା ପ୍ରଦେଶ କଂଗ୍ରେସ ପାଖରେ ଅଭିଯୋଗ କରିଥିଲେ । ଏହା ପରେ ତାଙ୍କୁ ଦଳର ଉଚ୍ଚ ନେତୃତ୍ୱ ଅଭିଯୋଗ ଆଧାରରେ ତାଗିଦ ମଧ୍ଯ କରିଥିଲେ । ଏ ସବୁ କାରଣ ପାଇଁ ସେ ଇସ୍ତଫା ଦେଇଥିବା ଚର୍ଚ୍ଚା ହେଉଛି । ସେ ଯାହା ହେଉନା କାହିଁକି , ଏହି ଘଟଣା ପରେ ଦଳୀୟ କନ୍ଦଳ ଥିବା ସ୍ପଷ୍ଟ ହୋଇଛି । ଆଉ ଏପଟେ ଏଭଳି ଏକ ଦାୟିତ୍ବକୁ ଅମ୍ବିକା ଭଟ୍ଟ ଗୁରୁତ୍ବର ସହ ନେଇ କଂଗ୍ରେସ ହାଇକମାଣ୍ଡ ରାହୁଲ ଗାନ୍ଧୀ , ସୋନିଆ ଗାନ୍ଧୀ ଏବଂ ମଲ୍ଲିକାର୍ଜୁନ ଖଡଗେ ଏବଂ ପିସିସି ସଭାପତି ଶରତ ପଟନାୟକଙ୍କ ଆଶୀର୍ବାଦରୁ ମୋତେ ଏହି ଦାୟିତ୍ବ ମିଳିଛି ବୋଲି କହିଛନ୍ତି । ନିର୍ବାଚନ ପରିପ୍ରେକ୍ଷୀରେ ସେ କଂଗ୍ରେସ ସଂଗଠନକୁ ତୃଣମୂଳ ସ୍ତରରୁ ମଜଭୁତ କରିବା ପାଇଁ ଚେଷ୍ଟା କରିବେ ବୋଲି ମଧ୍ଯ କହିଛନ୍ତି ।

Advertisement