ହାତୀ ନେଲା ପୁଣି ଏକ ଜୀବନ

ଅନୁଗୋଳ – ଅନୁଗୋଳ ଜିଲ୍ଲାରେ ହାତୀଙ୍କ ଉତ୍ପାତ ଜିଲ୍ଲାରେ ଥମୁନି। ହାତୀ ହାବୁଡ଼ରେ ପଡି ଆଜି ପୁଣି ଜଣଙ୍କ ଜୀବନ ଯାଇଛି । ଅନୁଗୋଳ ବ୍ଲକ ବସଲା ଗ୍ରାମରେ ଜଣେ ବୃଦ୍ଧଙ୍କୁ ହାତୀ କଚାଡି ମାରିଛି । ମୃତ ବୃଦ୍ଧ ହେଲେ ସିଧେଶ୍ୱର ସେଠୀ ମଙ୍ଗଳବାର ପୂର୍ବାହ୍ନରେ ବଉଳି ନାଳ ନିକଟକୁ କାଠ ସଂଗ୍ରହ କରିବାକୁ ଆସିଥିଲେ । ମାତ୍ର ଘରକୁ ଫେରି ନଥିଲେ । ପରିବାର ବହୁ ଖୋଜାଖୋଜି ପରେ ମଧ୍ୟ ତାଙ୍କୁ ପାଇ ନଥିଲେ । ଆଜି ସକାଳୁ ଏକ ବୁଦା ମଧ୍ୟରୁ ତାଙ୍କ ମୃତଦେହ ଉଦ୍ଧାର ହୋଇଛି । ହାତୀ ଆକ୍ରମଣରେ ତାଙ୍କ ଅନ୍ତବୁଜୁଲା ବାହାରି ପଡିଛି । ଗତକାଲିଠାରୁ ଏହି ଅଞ୍ଚଳରେ ହାତୀ ରହିଛନ୍ତି । ଏହାକୁ ନେଇ ଗ୍ରାମରେ ଅସନ୍ତୋଷ ପ୍ରକାଶ ପାଇଛି । ବନ ବିଭାଗ ଓ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ କରିବା ସହ ତଦନ୍ତ କରୁଛନ୍ତି ।

Advertisement