ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦାକୁ ଏନଏସି କରିବା ପାଇଁ ଯେଉଁ ପଦକ୍ଷେପ ଗ୍ରହଣ କରା ଯାଉଥିଲା ସେଥିରେ ବ୍ରେକ ଲାଗିଛି । ସ୍ଥାନୀୟ ଲୋକଙ୍କ ଅମଙ୍ଗ ଯୋଗୁଁ ଛେଣ୍ଡିପଦା ଆଉ ଏନଏସି ହେବ ନାହିଁ ବୋଲି ଜଣା ପଡିଛି । ସୂଚନା ଅନୁସାରେ ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ଅଞ୍ଚଳକୁ ଏନଏସିର ମାନ୍ୟତା ଦେବା ପାଇଁ ସରକାରୀ ସ୍ତରରେ ଉଦ୍ୟମ ଆରମ୍ଭ କରା ଯାଇଥିଲା । ଏଥିପାଇଁ ସ୍ଥାନୀୟ ଲୋକଙ୍କ ମତାମତ ଦେବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଚିଠି କରା ଯାଇଥିଲା । ତେବେ ଛେଣ୍ଡିପଦା ଗ୍ରାମ୍ୟ କମିଟି ପକ୍ଷରୁ ଆଜି ଜିଲ୍ଲାପାଳଙ୍କୁ ଏ ନେଇ ଏକ ଦାବିପତ୍ର ପ୍ରଦାନ କରା ଯାଇଛି । ଗ୍ରାମ୍ୟ କମିଟି ଏନଏସି ହେବା ପାଇଁ ଗାଁ ଲୋକ ଅମଙ୍ଗ ଥିବା କଥା କହିଥିବା ବେଳେ ଏନଏସି ହେଲେ ସେମାନଙ୍କୁ ଅଧିକ ପରିମାଣର କରଖଜଣା ଦେବକୁ ପଡିବ । ଏଠିକାର ଅଧିକାଂଶ ଲୋକ ଗରିବ ଶ୍ରେଣୀର ହୋଇଥିବା ବେଳେ ଏନଏସିର କରଖଜଣା ଦେବାକୁ ଅସମର୍ଥ ହେବେ । ଏଥିପାଇଁ ଛେଣ୍ଡିପଦାକୁ ବର୍ତ୍ତମାନ ଏନଏସି କରା ନ ଯିବାକୁ ସେମାନେ ଦାବି କରି ଅଛନ୍ତି । ଗ୍ରାମବାସୀଙ୍କ ଏଭଳି ଦାବି ପରେ ଛେଣ୍ଡିପଦା ଏନଏସି ହେବାର ଆଶା ଏକ ପ୍ରକାର ମଉଳି ଯାଇଛି ।
Advertisement
