ଅନୁଗୁଳ – ଅନୁଗୁଳ ସହର ନିକଟରେ ଥିବା ଡେରେଜାଙ୍ଗ ଡ୍ୟାମ୍ ରେ ବୁଡି ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ କେନ୍ଦ୍ରାପଡା ଅଞ୍ଚଳର ଆରିୟନ଼ ପୁଣ୍ୟଶ୍ଲୋକ ବୋଲି ଜଣା ପଡିଛି ।
ସୂଚନା ଅନୁସାରେ , କେନ୍ଦ୍ରପଡା ଅଞ୍ଚଳର ଆରିୟନ଼ ପୁଣ୍ୟଶ୍ଲୋକ ନାମକ ଜଣେ ଯୁବକ ଅନୁଗୁଳର ଏକ ଘରୋଇ କମ୍ପାନୀରେ କାର୍ଯ୍ୟ କରନ୍ତି । ଆଜି ଦିନ ୨ ଘଟିକା ବେଳେ ଜଣେ ସାଙ୍ଗ ସହ ଭୋଜି କରିବା ପାଇଁ ଡେରେଜାଙ୍ଗ ଡ୍ୟାମ୍ କୁ ଯାଇଥିଲେ । ଆଉ ଚାରି ଜଣ ସାଙ୍ଗ ଆସିବା ପାଇଁ ଆରିୟନ଼ ଙ୍କ ସହ ଆସିଥିବା ସାଙ୍ଗ ଫୋନ ଯୋଗେ କଥା ହେଉଥିବା ବେଳେ ଆରିୟନ଼ ଗାଧୋଇବା ପାଇଁ ଡ୍ୟାମ୍ ଭିତରକୁ ଯାଇଥିଲେ । ଡ୍ୟାମ୍ ରେ ଗୋଡ଼ ଖସି ଯିବାରୁ ପଥର ସହ ଆରିୟନ଼ଙ୍କ ଶରୀର ମାଡ ହେବାରୁ ପାଣିରେ ଖସି ପଡିଥିଲେ । ଯାହା ଫଳରେ ପାଣିରେ ଆରିୟନ଼ ବୁଡି ଯାଉଥିବା ବେଳେ ନିକଟରେ ଥିବା ସାଙ୍ଗ ଦେଖି ଯିବା ବେଳକୁ ଆରିୟନ଼ ପାଣିରେ ପୁରା ପୁରି ବୁଡି ଯାଇଥିଲେ । ସଙ୍ଗେ ସଙ୍ଗେ ସାଙ୍ଗ ଜଣଙ୍କ ଚିତ୍କାର କରିବାରୁ ନିକଟରେ ଥିବା ଅନ୍ୟ କିଛି ଲୋକ ମାନେ ପହଁଚି ପୁଲିସ ଏବଂ ଅଗ୍ନିଶମ ବିଭାଗକୁ ଖବର ଦେଇଥିଲେ । ପୁଲିସ ଏବଂ ଅଗ୍ନିଶମ ପହଁଚି ଆରିୟନ଼ ଙ୍କୁ ପାଣି ଭିତରୁ ବାହାର କରିଥିଲେ। ସଙ୍ଗେ ସଙ୍ଗେ ଆରିୟନ଼ ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରିଥିଲେ। କିନ୍ତୁ ଡାକ୍ତର ଆରିୟନ଼ଙ୍କୁ ମୃତ ଘୋଷଣା କରିବା ସହ ପରିବାର ଲୋକଙ୍କୁ ଖବର୍ ଦେଇଥିଲେ।
