ଅନୁଗୋଳ – ଅନୁଗୋଳ ଜିଲ୍ଲା ନାଲକୋନଗର ଥାନା କୁରୁଡୁଲୁ ଗାଁରେ ଟ୍ରକ ଧକ୍କାରେ ଜଣେ ବୟସ୍କ ବ୍ୟକ୍ତିଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ କୁରୁଡୁଲୁ ଗାଁର ୭୫ ବର୍ଷୀୟ କହ୍ନେଇ ସାହୁ । ସୂଚନା ଅନୁସାରେ ସକାଳ ପ୍ରାୟ ୧୦ ଟା ବେଳେ କହ୍ନେଇ ଗାଁର ମାଟିଗାଡ଼ିଆ ସାହିକୁ ସାଇକେଲରେ ଦହି ଆଣିବାକୁ ଯାଉଥିଲେ । ତେବେ ରାସ୍ତାରେ ଏକ ଟ୍ରକ ( ବିଆର ୦୬ ଜିଏ ୩୪୨୨) ତାଙ୍କୁ ପଛରୁ ଧକ୍କା ଦେଇଥିଲା । କହ୍ନେଇ ଗୁରୁତର ଅବସ୍ଥାରେ ରାସ୍ତା ଉପରେ ଛିଟିକି ପଡ଼ିଥିଲେ । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଅବସ୍ଥା ସଙ୍କଟାପର୍ଣ୍ଣ ଥିବାରୁ ତାଙ୍କୁ କଟକ ସ୍ଥାନାନ୍ତର କରା ଯାଇଥିଲା । ତେବେ ବାଟରେ ତାଙ୍କ ମୃତ୍ୟୁ ହୋଇଥିଲା । ମୃତ କହ୍ନେଇ ଅନୁଗୋଳ ସାଇବର ଥାନାରେ କାର୍ଯ୍ୟରତ ପୋଲିସ କର୍ମଚାରୀ ଅଶ୍ୱନୀ ସାହୁଙ୍କ ବାପା ବୋଲି ଜଣା ପଡ଼ିଛି ।
Advertisement
