ତାଳଚେର – ଅନୁଗୁଳ ଜିଲ୍ଲା ତାଳଚେର ଅଞ୍ଚଳର ଯୁବ କ୍ରୀଡ଼ାବିତ୍ ରାକେଶ ଭୁକ୍ତାଙ୍କୁ ରାଜ୍ୟ ପୁଲିସ ବିଭାଗରେ ନିଯୁକ୍ତି ମିଳିଛି । ତାଙ୍କ ଘର ତାଳଚେର ବ୍ଲକ ଅନ୍ତର୍ଗତ ଅନନ୍ତବେରେଣୀ ଗ୍ରାମରେ । ରାଜ୍ୟ ସରକାରଙ୍କ ଦ୍ୱାରା ୩୯ ଜଣ କ୍ରୀଡାବିତଙ୍କୁ ରାଜ୍ୟ ପୁଲିସ ବିଭାଗରେ ନିଯୁକ୍ତି ପ୍ରଦାନ କରାଯାଇଥିଲା ବେଳେ ରାକେଶ ଏହି ନିଯୁକ୍ତି ରେ ସାମିଲ ଅଛନ୍ତି । ରାଜ୍ୟ ତଥା ଜାତୀୟ ପାୱାର ଲିଫ୍ଟିଙ୍ଗ ପ୍ରତିଯୋଗିତାରେ ରାକେଶ ପ୍ରତିନିଧିତ୍ବ କରି ବେଶ ସଫଳତା ହାସଲ କରିଛନ୍ତି । ଅନୁଗୁଳ ଜିଲ୍ଲାରୁ ଏକ ମାତ୍ର କ୍ରୀଡାବିତ ଭାବେ ସେ ପୁଲିସ ବିଭାଗରେ ନିଯୁକ୍ତି ପାଇଛନ୍ତି । ତାଙ୍କର ଏହି ସଫଳତା ପରେ ତାଳଚେର ବିଧାୟକ ବ୍ରଜକିଶୋର ପ୍ରଧାନ ରାକେଶଙ୍କୁ ଅଭିନନ୍ଦନ ଜଣାଇଛନ୍ତି । ରାଜ୍ୟ ତଥା ଜାତୀୟ ସ୍ତରରେ ପାୱାର ଲିଫଟିଙ୍ଗ ଖେଳିବା ପାଇଁ ଆମ ପ୍ରିୟ ବାପୁ ଭାଈ ମୋତେ ସବୁବେଳେ ସାହାଯ୍ୟ ସହଯୋଗ କରି ଆସିଛନ୍ତି । ଖେଳିଯିବା ପାଇଁ ଫ୍ଲାଇଟ ଟିକେଟ ଠାରୁ ଆରମ୍ଭ କରି , ଖେଳ ଡ୍ରେସ ପର୍ଯ୍ୟନ୍ତ ଦେଇ ସବୁବେଳେ ସହଯୋଗ ଆଉ ଉତ୍ସାହ ଦେଇ ଆସିଛାଣ୍ଟି ବୋଲି ରାକେଶ କହିଥିବା ବେଳେ , ଏହି ସଫଳତା ପରେ ସେ ବିଧାୟକଙ୍କୁ କୃତଜ୍ଞତା ଜଣାଇଛନ୍ତି ।
Advertisement
