ଗତକାଲି ଅନୁଗୁଳ ଷ୍ଟେସନରେ ଦେଲେ ଯୋଗ – ଆଜି ରେଳଧାରଣାରୁ ମିଳିଲା ମୃତଦେହ

ଅନୁଗୁଳ – ଅନୁଗୁଳ ଷ୍ଟେସନ ନିକଟ ରେଳ ଧାରଣାରୁ ଶନିବାର ଜଣେ ଯୁବକଙ୍କ ମୃତ ଦେହ ଉଦ୍ଧାର ହୋଇଛି । ମୃତକ ଜଣଙ୍କ ହେଲେ ଛେଣ୍ଡିପଦା ଥାନା ବ୍ରହ୍ମଣବିଲ ଗ୍ରାମର ରଞ୍ଜନ ସାହୁଙ୍କ ପୁଅ ଲିପନ ସାହୁ । ସେ ଗତ ୫/୬ ବର୍ଷ ହେବ ଭାରତୀୟ ରେଳ ବିଭାଗରେ ଲୋକୋ ପାଇଲଟ ଭାବରେ କାର୍ଯ୍ୟ କରୁଥିଲେ l କିଛି ଦିନ ହେଲା ତାଙ୍କର ପଲାସା ଷ୍ଟେସନ ବଦଳି ହୋଇଥିବା ବେଳେ ସେଠାରେ ଜୁନିୟର ଇଞ୍ଜିନିୟର ଭାବେ ନିଯୁକ୍ତି ପାଇଥିଲେ l ହେଲେ କିଛି ଦିନ ସେଠାରେ କାର୍ଯ୍ୟ କରିବା ପରେ ସେଠାରୁ ତାଙ୍କର ଅନୁଗୁଳ ଷ୍ଟେସନକୁ ପୁନଃ ବଦଳି ହୋଇ ଜୁନିୟର ଇଞ୍ଜିନିୟର ଭାବେ ନିଯୁକ୍ତ ପାଇଥିଲେ l ଯାହା ଫଳରେ ସେ ଗତ କାଲି ଅନୁଗୁଳ ଷ୍ଟେସନରେ ରିପୋର୍ଟିଂ କରିବା ସହ କାର୍ଯ୍ଯରେ ଜଏନ୍ କରିଥିଲେ l  ଜଏନ୍ କରିବା ପରେ ସେ ଅନୁଗୁଳରେ ରହୁଥିବା ଜଣେ ସାଙ୍ଗ ପାଖକୁ ଯାଇ ସେଠାରେ ରହିଥିଲେ l ଆଜି ସକାଳ ୮ ଘଟିକାରୁ ରୁମ୍ ରୁ ବାହାରି ଡ୍ୟୁଟି ଆସିଥିଲେ l ହେଲେ ୯ ଟା ବେଳେ ଅନୁଗୁଳ ଷ୍ଟେସନ କଲୋନୀ ନିକଟସ୍ଥ ରେଳ ଧାରଣାରୁ ଲିପନଙ୍କର ଖଣ୍ଡ ବିଖଣ୍ଡିତ ମୃତ ଦେହ ଉଦ୍ଧାର କରିଥିଲା ରେଳବାଇ ପୁଲିସ l କିଛି ମାସ ପରେ ତାଙ୍କର ବିବାହ ହୋଇଥାନ୍ତା l ହେଲେ ଆଜି ତାଙ୍କର ଏଭଳି ମୃତ୍ୟୁ ସମସ୍ତଙ୍କୁ ଚକିତ କରିଥିବା ବେଳେ ମୃତ୍ଯୁ କେମିତି ହେଲା ତାହା ଜଣାପଡି ନାହିଁ l  ଅନୁଗୁଳ ରେଳବାଇ ପୁଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଚଳାଇଛି l

Advertisement