ଶ୍ଵାସରୁଦ୍ଧ ହୋଇ ବୃଦ୍ଧ ଦମ୍ପତ୍ତି ମୃତ

ତାଳଚେର – ଅନୁଗୁଳ ଜିଲ୍ଲା ତାଳଚେର କର୍ଣ୍ଣପୁର ପଞ୍ଚାୟତ ସାନଜୋରଡା ଗ୍ରାମରେ ଏକ ଅଭାବନୀୟ ଘଟଣା ଘଟି ଯାଇଛି । ଘରେ ଶୋଇଥିବା ବେଳେ ଶ୍ଵାସରୁଦ୍ଧ ହୋଇ ବୃଦ୍ଧ ଦମ୍ପତିଙ୍କର ମୃତ୍ୟୁ ହୋଇଛି । ମୃତ ଦମ୍ପତି ହେଲେ ଦୁଃଖବନ୍ଧୁ ସାହୁ ଓ ପାଞ୍ଚାଳି ସାହୁ । ଗାଁ ଲୋକଙ୍କ ସୂଚନା ଅନୁସାରେ ଉଭୟ ଘରେ ଶୋଇଥିବା ବେଳେ ବିଳମ୍ବିତ ରାତିରେ ଘର କାନ୍ଥରେ ଲାଗିଥିବା ଫ୍ୟାନ ସର୍ଟ ସର୍କିଟ ଯୋଗୁଁ ନିଆଁ ଲାଗି ଯାଇଥିଲା । ସେହି ଧୂଆଁରେ ଉଭୟଙ୍କର ଶ୍ଵାସ ରୁଦ୍ଧ ହୋଇ ମୃତ୍ୟୁ ହୋଇଥିଲା । ସେପଟେ ଘର ଲୋକଙ୍କ କହିବା କଥା ମଶା ଧୂପ କନ୍ଥାରେ ଲାଗି ଘର ଭିତର ଧୂଆଁ ହୋଇ ଯାଇଥିଲା । ଯାହା ଫଳରେ ଉଭୟ ଶ୍ଵାସରୁଦ୍ଧ ହୋଇ ମୃତ୍ୟୁ ମୁଖରେ ପଡିଥିଲେ । ଆଜି ସକାଳେ ଘର ଲୋକ କବାଟ ଖୋଲି ଦେଖିବା ପରେ ଘଟଣା ଜଣା ପଡିଥିଲା । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଥିବା ବେଳେ ଖବର ପାଇ ସ୍ଥାନୀୟ ବିଧାୟକ ବ୍ରଜ କିଶୋର ପ୍ରଧାନ ଗାଁରେ ପହଞ୍ଚିଥିଲେ । ମୃତକଙ୍କ ପରିବାରକୁ ସେ ସମବେଦନା ଜଣାଇଥିଲେ । ପରେ ଉଭୟଙ୍କର ଏକାଠି ସତ୍କାର କରା ଯାଇଥିଲା ।

Advertisement