ଅନୁଗୁଳ – ଅନୁଗୁଳ ସଦର ମହକୁମା ଜେଲ ଛକରୁ ସାଇକେଲ ଚୋରୀ । ରାସ୍ତାରେ ଯାଉଥିବା ବେଳେ ସାଇକେଲ ଥୁଆ ହୋଇଥିବା ଦେଖି ମଉକାର ଫାଇଦା ଉଠାଇ ସାଇକେଲ ଚୋରୀ କରିନେଲା ଚୋର । ହେଲେ ଚୋରା ଜାଣି ନଥିଲା ଯେ , ତାର ଏହି ସବୁ କରନାମା ସିସିଟିଭିରେ କଏଦ ହେଉଛି ବୋଲି । ଯାହାର ଚିତ୍ର ଏବେ ଭାଇରାଲ ହେଉଛି । ସୂଚନା ଅନୁସାରେ ଜେଲ ସମ୍ମୁଖରେ ଥିବା ଏକ ଜନ ସେବା କେନ୍ଦ୍ରରେ କାର୍ଯ୍ୟରତ ସୁବ୍ରତ ନାଏକ ତାଙ୍କ ସାଇକେଲଟି ଜନସେବା କେନ୍ଦ୍ର ନିକଟରେ ରଖି କାମ କରୁଥିଲେ । ତେବେ ସନ୍ଧ୍ୟା ୭ ଟା ବେଳେ ସେହି ରାସ୍ତା ଦେଇ ଯାଉଥିବା ଜଣେ ଯୁବକଙ୍କ ସାଇକେଲ ଉପରେ ନଜର ପଡିଥିଲା । ଆଉ କିଛି ସମୟ ଅନୁଧ୍ୟାନ କରିବା ପରେ ତୁରନ୍ତ ସାଇକେଲଟି ନେଇ ସେଠାରୁ ପଳାଇ ଯାଇଥିଲା । ସୁବ୍ରତ କାମ ସାରି ଆସି ଦେଖିବା ବେଳକୁ ସାଇକେଲ ନପାଇ ସିସିଟିଭି ଯାଞ୍ଚ କରିବାରୁ ସାଇକେଲ ଚୋରୀ ହୋଇ ଯାଇଥିବା ଜାଣିବାକୁ ପାଇଥିଲେ ।
Advertisement
