ପ୍ରାତଃ ଭ୍ରମଣ କରୁଥିବା ବେଳେ ଗାଡି ଧକ୍କାରେ ଦୁଇ ମୃତ

ପାଲଲହଡା – ଜାତୀୟ ରାଜପଥ କଡରେ ପ୍ରାତଃ ଭ୍ରମଣ କରୁଥିବା ବେଳେ ଅଜଣା ଗାଡି ଧକ୍କା ଦେବା ଫଳରେ ଦୁଇ ଜଣଙ୍କ ମୃତ୍ଯୁ ହୋଇଛି I  ଆଜି(ରବିବାର୍) ସକାଳ ପ୍ରାୟ ୬ ଟା ବେଳେ ପାଳଲହଡା ଥାନା ଅନ୍ତର୍ଗତ ୪୯ ଜାତୀୟ ରାଜପଥ ମୁକ୍ତାପୁର ଗ୍ରାମ ନିକଟରେ ଏଭ୍ଳି ଅଭବନୀୟ ଘଟଣା ଘଟିଛି I ମୃତ ଦୁଇ ଯୁବକ ହେଲେ ମୁକ୍ତାପୁର ଗ୍ରାମର ମାଧବ ସାମାଡ଼ ଓ ଅନ୍ୟ ଜଣେ ସୁସବ ଗ୍ରାମର ରାଜେଶ ଶୁଣ୍ଢୀ ବୋଲି ଜଣା ପଡିଛି I ପ୍ରତିଦିନ ପରି ଜାତୀୟ ରାଜପଥ କଡରେ ଉଭୟ ପ୍ରାତଃ ଭ୍ରମଣ କରୁଥିବା ବେଳେ ଦୁହିଁଙ୍କୁ କୌଣସି ଅଜଣା ଗାଡି ଧକ୍କା ଦେଇଥିବା ପୁଲିସ ସୂଚନା ଦେଇଛି I ଫଳରେ ଘଟଣାସ୍ଥଳ ରେ ହିଁ ଦୁହିଁଙ୍କର ମୃତ୍ୟୁ ହୋଇଥିବା ବେଳେ ପୁଲିସ ମୃତଦେହ ଜବତ କରି ତଦନ୍ତ କରୁଛି I

Advertisement