ଅନୁଗୋଳ – ଅନୁଗୋଳ ଜିଲ୍ଲା ଯୋଜନା କମିଟିରେ ସଦସ୍ୟ ଭାବେ ତାଳଚେର ପୌର ପରିଷଦ ୨ ନମ୍ବର ଓ ୪ ନମ୍ବର କାଉନ୍ସିଲର ନିର୍ବାଚିତ ହୋଇଛନ୍ତି । ଅନୁଗୋଳସ୍ଥିତ ଯୋଜନା କମିଟି କାର୍ଯ୍ୟାଳୟ ପରିସରେ ଏହି ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ଅନୁଗୋଳ ଓ ତାଳଚେର ମ୍ୟୁନିସିପାଲିଟି ଏବଂ ଆଠମଲ୍ଲିକ ଏନ୍ଏସିର ପୌରାଧ୍ୟକ୍ଷ ଓ କାଉନ୍ସିଲରମାନେ ଅଂଶଗ୍ରହଣ କରିଥିଲେ । ୨୦-୧୪ ଭୋଟ୍ ବ୍ୟବଧାନରେ ତାଳଚେର ୪ ନମ୍ବର ୱାର୍ଡ ବିଜେଡି କାଉନ୍ସିଲର ଜଗନ୍ନାଥ ଗଡ଼ନାୟକ ବିଜୟୀ ହୋଇଥିବା ବେଳେ ଅନୁଗୁଳ ୨ ନମ୍ବର ୱାର୍ଡ ବିଜେଡି କାଉନ୍ସିଲର ଉଷା ସାମଲ ମଧ୍ୟ ବିଜୟୀ ହୋଇଛନ୍ତି । ଉଭୟଙ୍କୁ ଦଳୀୟ ସମର୍ଥନ ଜଣାଇଥିବା କାଉନ୍ସିଲର ଓ ନଗରପାଳଙ୍କ ସହ ଜିଲ୍ଲାର ୩ ବିଧାୟକ ଓ ସାଂସଦଙ୍କୁ ଶ୍ରୀ ଗଡ଼ନାୟକ ଓ ଶ୍ରୀମତୀ ସାମଲ କୃତଜ୍ଞତା ଜଣାଇଛନ୍ତି ।
Advertisement
