ତାଳଚେର – ନଦୀରେ କୁମ୍ଭୀର । ଗାଁରେ ଆତଙ୍କ । ଅନୁଗୋଳ ଜିଲ୍ଲା ତାଳଚେର ସିରିଗିଡା ଗାଁ ଲୋକ ଏବେ ଭୟରେ । ଗାଁ ନିକଟରେ ବହି ଯାଇଥିବା ବ୍ରାହ୍ମଣୀ ନଦୀରେ ଆଜି ଏକ ବିରାଟକାୟ କୁମ୍ଭୀର ଦେଖିବା ପରେ ଗାଁରେ ଏବେ ଭୟର ବାତାବରଣ । ସୂଚନା ଅନୁସାରେ ଗାଁର ଦୁଇଜଣ ଯୁବକ ନଦୀ କୂଳରେ ବସି ବନଶୀ କଣ୍ଟାରେ ମାଛ ମାରୁଥିଲେ । ଏହି ସମୟରେ ଏକ ବିରାଟ କୁମ୍ଭୀର ପାଣିରେ ଭାସୁଥିବା ସେମାନେ ଦେଖିଥିଲେ । ଏହା ଦେଖି ସେମାନେ ଭୟରେ ଦଉଡି ପଳାଇ ଆସିବା ସହ ଗାଁରେ କହିଥିଲେ । ଗାଁ ଲୋକ କୁମ୍ଭୀର ଥିବା ଜାଣି ଏବେ ଭୟରେ । କାରଣ ନଦୀ ଉପରେ ଗ୍ରାମବାସୀ ପ୍ରାୟ ନିର୍ଭରଶୀଳ । ଏହା ସହ ନଦୀକୁ ଲାଗି ଧାନ ଜମି ଲାଗି ରହିଛି । କେତେବେଳେ ନଦୀ ପାଣିରୁ ଉଠି ଆସିବ ବୋଲି ଚିନ୍ତାରେ ଲୋକେ । ତେବେ ଖବର ପାଇ ବନ ବିଭାଗ ଓ ପୁଲିସ ଗାଁରେ ପହଞ୍ଚି କୁମ୍ଭୀରର ସତ୍ୟତା ନେଇ ତଦନ୍ତ କରୁଛି ।ବନ ବିଭାଗ ମାଇକ ଦ୍ୱାରା ଲୋକଙ୍କୁ ନଦୀକୁ ନ ଯିବା ପାଇଁ ସଚେତନ ମଧ୍ଯ କରା ଯାଇଛି ।
Advertisement
