ତାଳଚେର – ଅନୁଗୁଳ ଜିଲ୍ଲା ତାଳଚେର ମହାଦେବବିହାର ଅଞ୍ଚଳରେ ଘର ଲୋକ ନଥିବା ବେଳେ ତାଲା ଭାଙ୍ଗି ଏକ ବଡ଼ ଧରଣର ଲୁଟ ହୋଇଛି । ଖବର ପାଇ ତାଳଚେର ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ଧୀରେନ୍ଦ୍ର ବେହେରାଙ୍କ ସ୍ତ୍ରୀଙ୍କ ଦେହ ଖାରପ ଥିବାରୁ ଉଭୟ ଘରେ ତାଲା ପକାଇ କଟକ ଚିକିତ୍ସା ପାଇଁ ଯାଇଥିଲେ । କଟକରୁ ଆଜି ସକାଳେ ଫେରି ଘର ତାଲା ଭଙ୍ଗା ଯାଇଥିବା ଦେଖିଥିଲେ । ଭିତରକୁ ଯାଇ ଦେଖିବା ବେଳକୁ ଘରେ ଥିବା ଆଲମୀରା , ଟ୍ରଙ୍କ , ଆଟାଚ ଆଦି ଭଙ୍ଗା ଯାଇଥିବା ଦେଖି ପୁଲିସକୁ ଖବର ଦେଇଥିଲେ । ପୁଲିସ ଆସିବା ପରେ ଜାଞ୍ଚ କରି ଘରୁ ୫୦ ହଜାର ଟଙ୍କା , ୬ ଭରି ସୁନା ସହ ରୁପା ଅଳଙ୍କାର ଓ ଘରେ ଥିବା ଏକ ସ୍କୁଟି ଚୋର ନେଇ ଯାଇଥିବା ଜାଣିବାକୁ ପାଇଥିଲେ । ଏହି ଚୋରୀ ଘଟଣାର ପୁଲିସ ଛାନଭିନ କରୁଛି ।