ଅନଲାଇନ ଏକ୍ସକ୍ଲୁସିଭ ଖବର ପରେ ଚେତିଲା ପ୍ରଶାସନ – ବେକରି ଫ୍ୟାକ୍ଟେରିରେ ଚଢାଉ କରି ତାରିଖ ଲେଖିବାକୁ କଲା ତାଗିଦ Angul OnlineJuly 30, 2021July 30, 2021 ଅନୁଗୁଳ – ଆଜି ଅନୁଗୁଳ ଜିଲ୍ଲାର ବିଭିନ୍ନ ବେକରି ଫ୍ୟାକ୍ଟେରି ଗୁଡିକରେ ଜନସ୍ୱାସ୍ଥ୍ୟ ବିଭାଗ ପକ୍ଷରୁ ଚଢ଼ାଉ କରାଯାଇଛି । ଗତକାଲି ଅନୁଗୁଳ ଅନଲାଇନରେ “ବ୍ରେଡ୍ରେ ଲେଖାହେଉନି ଏକ୍ସପାୟରି ତାରିଖ – ଲାଭ ଲୋଭର ଖେଳରେ ଗ୍ରାହକ” ଶୀର୍ଷକରେ ଖବର ପ୍ରସାରଣ ପରେ ଆଜି ପ୍ରଶାସନ ଚେତିଛି । ସହରରେ ଥିବା ବିଭିନ୍ନ ବେକରି ଫ୍ୟାକ୍ଟେରିରେ ଚଢାଉ କରି ଯାଞ୍ଚ କରିବା ସହ ତିଆରି ତାରିଖ ଓ ଏକ୍ସପାୟରି ତାରିଖ ଲେଖିବାକୁ ଚେତାବନୀ ଦେଇଛି । ଆଜି ଜିଲ୍ଲା ଜନସ୍ୱାସ୍ଥ୍ୟ ବିଭାଗ ପକ୍ଷରୁ ହନୀ , ଟେଷ୍ଟି , ଅରୁଣ , ଲେମ୍ବୁଆ , ସାବେରୀ ଆଦି କମ୍ପାନୀର ଫ୍ୟାକ୍ଟେରିରେ ଚଢାଉ କରା ଯାଇଥିଲା । ଏସବୁ ଫ୍ୟାକ୍ଟେରିକୁ ଜନସ୍ୱାସ୍ଥ୍ୟ ବିଭାଗ ପ୍ୟାକେଟ ଉପରେ ତାରିଖ ଲେଖିବାକୁ କଡା ତାଗିଦ କରିବା ସହ ସମୁଦାୟ ୯ ହଜାର ଟଙ୍କା ଜୋରିମାନା କରିତ୍ଛି । ଆଜିର ଏହି ଚଢ଼ାଉ ବେଳେ ସବୁ ଫ୍ୟାକ୍ଟେରିରେ ଅନେକ ବ୍ୟତିକ୍ରମ ଥିବା ଦେଖିବାକୁ ମିଳିଛି । ଅଧିକାଂଶ ସ୍ଥାନରେ ଅସ୍ଵାସ୍ଥ୍ୟକର ପରିବେଶରେ ପାଉଁରୁଟି ତିଆରି ହେଉଛି । ଆଉ କେତେକ ବିନା ଲାଇସେନ୍ସରେ ଫ୍ୟାକ୍ଟେରି ଚଲାଇଥିବା ନଜରକୁ ଆସିଛି । ଏକ ସପ୍ତାହ ଭିତରେ ଏ ସବୁ ସ୍ଥିତି ନ ସୁଧାରିଲେ ସେମାନଙ୍କ ନାମରେ ମାମଲା ରୁଜୁ କରାଯିବା ସହ ସିଲ କରାଯିବ ବୋଲି ଜନସ୍ୱାସ୍ଥ୍ୟ ଆଦିକାରୀ ଧନଞ୍ଜୟ ବେହେରା କହିଛନ୍ତି । ଆଜିର ଏହି ଚଢାଉ ବେଳେ ଏଫ୍ଏସ୍ଓ ହରପ୍ରିୟା ବେହେରାଙ୍କ ସମେତ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟର କର୍ମଚାରୀ ସତ୍ୟ ରଞ୍ଜନ ଚାନ୍ଦ, କୁନ୍ଦନ କୁମାର, ନୀଳାମ୍ବର ପ୍ରଧାନଙ୍କ ସହିତ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ। Advertisement
ନିଆରା ଢଙ୍ଗରେ ଅଲମ୍ପିକ୍ସ ଶୁଭେଚ୍ଛା ଅନୁଗୁଳ – ଜାପାନର ଟୋକିଓରେ ଆଜି(ଶୁକ୍ରବାର) ଠାରୁ ଅଲମ୍ପିକ ମ୍ୟାଚ୍ ଆରମ୍ଭ ହେବ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ଭାରତରୁ ମଧ୍ୟ ବିଭିନ୍ନ…
କାମ କରୁ ନାହିଁ ‘ଅନୁଗୁଳ ବନସାଥୀ ଆପ – ପାଣିରେ ପଡିଲା ଲକ୍ଷାଧିକ ଟଙ୍କା ଅନୁଗୁଳ – ଅନୁଗୁଳ ଜିଲ୍ଲାରେ ହାତୀ ମଣିଷ ଲଢେଇକୁ ରୋକିବା ସହ ବନବିଭାଗର ଲୋକମାନଙ୍କ ସହ ସମ୍ପର୍କକୁ ଦ୍ଵିଗୁଣିତ କରିବାକୁ ଆରମ୍ଭ ହୋଇଥିଲା ‘ଅନୁଗୁଳ ବନସାଥୀ ଆପ‘…
ଜାଲ ପ୍ରମାଣପତ୍ର ଦେଇ ପିଇଟି ଶିକ୍ଷକ – ୧୦ ଜଣଙ୍କ ନାମରେ ଅଭିଯୋଗ କଲେ ଜିଲ୍ଲା ଶିକ୍ଷାଧିକାରୀ ଅନୁଗୁଳ – ଅନୁଗୁଳ ଜିଲ୍ଲାର ବିଭିନ୍ନ ସ୍କୁଲରେ ଜାଲ ପ୍ରମାଣପତ୍ର ଦେଇ ପିଇଟି ଚାକିରି କରିଥିବା ନେଇ ଥାନାରେ ଅଭିଯୋଗ କରିଛନ୍ତି ଅନୁଗୁଳ ଜିଲ୍ଲା ଶିକ୍ଷାଧିକାରୀ ।…