ନିଆରା ଢଙ୍ଗରେ ଅଲମ୍ପିକ୍ସ ଶୁଭେଚ୍ଛା

ଅନୁଗୁଳ – ଜାପାନର ଟୋକିଓରେ ଆଜି(ଶୁକ୍ରବାର) ଠାରୁ ଅଲମ୍ପିକ ମ୍ୟାଚ୍ ଆରମ୍ଭ ହେବ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ଭାରତରୁ ମଧ୍ୟ ବିଭିନ୍ନ ବିଭାଗରେ କ୍ରୀଡାବିତ ଅଂଶଗ୍ରହଣ କରିଛନ୍ତି । ଭାରତର ସମସ୍ତ ଖେଳାଳିଙ୍କୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି ଅନୁଗୁଳ ଜଣେ ସମାଜସେବୀ ତଥା ଚିତ୍ରଶିଳ୍ପୀ ସୁଶାନ୍ତ କୁମାର ଦାସ । ସୁଶାନ୍ତ ପ୍ରାୟ ୩୪ ଘଣ୍ଟା ପରିଶ୍ରମ କରି ୨୫୪୩ ଦିଆସିଲି କାଠିର ସହାୟତାରେ ଅଲମ୍ପିକ୍ସ ରିଙ୍ଗ ପ୍ରସ୍ତୁତ କରି ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି । ଯାହାକି ବେଶ୍ ଆକର୍ଷଣୀୟ ହୋଇଛି । ଭାରତ ଦେଶ ଅଲମ୍ପିକ୍ସରେ ଭଲ ପ୍ରଦର୍ଶନ କରିବା ସହ ପଦକ ହାସଲ କରିବା ପାଇଁ ସେ ଶୁଭକାମନା ଜଣାଇଛନ୍ତି । ଯୁବ ଓ ସ୍ପୋର୍ଟସ ବିଭାଗ ଭାରତ ସରକାରଙ୍କ ଦ୍ୱାରା ସାରା ଦେଶରେ ପ୍ରଚେଷ୍ଟା ହୋଇଥିବା “ଚିୟର ଇଣ୍ଡିଆ ” ସ୍ଲୋଗାନ ଦେଇ ଭାରତୀୟ ଖେଳାଳିଙ୍କୁ ଉତ୍ସାହିତ କରିଛନ୍ତି । ଅନୁଗୁଳ ଜିଲ୍ଲାର ନେହେରୁ ଯୁବ କେନ୍ଦ୍ରର ଜିଲ୍ଲା ସଂଯୋଜକ ପ୍ରଦୀପ କୁମାର ସମେତ ଜିଲ୍ଲାର ବହୁ ବ୍ୟକ୍ତି ପ୍ରଶଂସା କରିଥିବା ବେଳେ ଧନ୍ୟବାଦ ଦେଇଛନ୍ତି ।