ଅନୁଗୁଳ – କେୱାଇସିରେ ତୁଟି ଯୋଗୁଁ ସିମ୍ ବ୍ଳକ୍ ହୋଇଯିବ କହି ଅନୁଗୁଳ ଗ୍ରାମ୍ୟ ଉନ୍ନୟନ ସଂସ୍ଥାର ଜଣେ କର୍ମଚାରୀଙ୍କୁ ଟାର୍ଗେଟ କରିଥିଲେ ସାଇବର ଠକ । ଆଉ ଛଳନାପୂର୍ଣ୍ଣ କଥା କହି ଠକି ନେଲେ ଲକ୍ଷାଧିକ ଟଙ୍କା । ସୂଚନା ଅନୁସାରେ ଅନୁଗୁଳ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାରେ କର୍ମଚାରୀ ଥିବା ଜଣେ ଯୁବକଙ୍କୁ ସିମ୍ ବ୍ଳକ ହୋଇଯିବା ନେଇ ତାଙ୍କ ଫୋନ୍କୁ ଏକ ମେସେଜ ଆସିଥିଲା । ପରେ ପରେ ଟିମ ସପୋର୍ଟ ନାମକ ଏକ ଆପ ଇନଷ୍ଟାଲ ପାଇଁ ଆଉ ଏକ ମେସେଜ ଆସିଥିଲା । ଆଉ ଏହି ଆପକୁ ଇନଷ୍ଟଲ କାଲେ ସିମ ବ୍ଲକ ଜନିତ ସମସ୍ୟା ସହଜରେ ଦୂର ହୋଇଯିବ ବୋଲି ଲେଖା ଯାଇଥିଲା । ତେବେ ଏହା ସାଇବର ଠକଙ୍କ କାମ ଜାଣି ନପାରି ଯୁବକ ଜଣଙ୍କ ଟିମ ସପୋର୍ଟ ଆପ ଇନଷ୍ଟଲ କରି ଦେଇଥିଲେ । ଫଳରେ ସାଇବର ସାଇବର ଲୁଟେରା ତାଙ୍କ ମୋବାଇଲ୍ କୁ ହ୍ୟାକ୍ କରି ନେବା ସହ ୪ଟି ପର୍ଯ୍ୟାୟରେ ପ୍ରାୟ ୧ ଲକ୍ଷ ୨୫ ହଜାର ଟଙ୍କା ଲୁଟି ନେଇଥିଲା । ଲୁଟେରା ମାନେ ପ୍ରଥମ ପର୍ଯ୍ୟାୟରେ ୪୯ ହଜାର ୯୯୯ , ଦ୍ବିତୀୟ ପର୍ଯ୍ୟାୟରେ ୨୫ ହଜାର , ଦ୍ବିତୀୟ ପର୍ଯ୍ୟାୟରେ ୨୫ ହଜାର ଓ ଚତୁର୍ଥ ପର୍ଯ୍ୟାୟରେ ୨୪ ହଜାର ୯୯୯ ଟଙ୍କା ଉଠାଇ ନେଇଥିଲେ । ଠକାମିର ଶିକାର ହୋଇଥିବା ଜାଣିବା ପରେ ଠକାମିର ଶିକାର ହୋଇଥିବା ଯୁବକ ଜଣକ ଥାନାର ଦ୍ୱାରସ୍ଥ ହୋଇଛନ୍ତି । ପୁଲିସ୍ ଏ ସଂକ୍ରାନ୍ତରେ କେସ୍ ନଂ ୨୮୨୧ରେ ମାମଲା ରୁଜୁ କରି ତଦନ୍ତ ଚଳାଇଛି ।
Advertisement
