ଅନୁଗୁଳ – ଅନୁଗୁଳ ଜିଲ୍ଲା କୋଳିୟାରୀ ଥାନା ଦେଉଳବେଡା କଲୋନୀ ଅଞ୍ଚଳରୁ ପୁଲିସ ବ୍ରାଉନ ସୁଗାର ଜବତ କରିବା ସହ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ଜଣଙ୍କ ହେଲେ ଦେଉଳବେଡ଼ା କଲୋନୀର ଜିତେନ୍ଦ୍ର ସାମଲ । ତାଙ୍କ ନିକଟରୁ ୪୨ ଗ୍ରାମର ବ୍ରାଉନ ସୁଗାର ଜବତ ହୋଇଥିବା ପୁଲିସ ସୂଚନା ଦେଇଛି । ସୂଚନା ଅନୁସାରେ , ମଙ୍ଗଳବାର ସନ୍ଧ୍ୟାରେ କୋଲିୟରୀ ଥାନାର ଏସଆଇ ବିକାଶ ଗିରି ଏକ ବିଶ୍ଵସ୍ତ ସୁତ୍ରରୁ ବ୍ରାଉନ ସୁଗାର ବ୍ୟବସାୟ ଚାଲିଥିବା ନେଇ ଖବର ପାଇଥିଲେ । ଏହାପରେ ସେ ସଦଳବଳ ନେଇ ଦେଉଳବେଢା କଲୋନି ନିକଟରେ ଥିବା ବାଦୀ ପଡିଆରେ ଚଢ଼ାଉ କରିଥିଲେ । ଚଢାଉ ସମୟରେ ଜିତେନ୍ଦ୍ର ବ୍ୟବସାୟ ପାଇଁ ବ୍ରାଉନ ସୁଗାର ରଖିଥିବା ଜଣା ପଡିଥିଲା । ତାକୁ ଯାଞ୍ଚ ବେଳେ ତା ନିକଟରୁ ୪୨ ଗ୍ରାମ ବ୍ରାଉନ ସୁଗାର ଜବତ ହୋଇଥିଲା । ଏହି ଘଟଣାରେ ଜିତେନ୍ଦ୍ରକୁ ଗିରଫ କରି କୋର୍ଟ ଚାଲାଣ କରାଯାଇଛି ।
Advertisement
