ଅନୁଗୁଳ – ଓଡିଶା ବିଧାନସଭାରେ ହିଡସିଂହ ଜଳ ପ୍ରକଳ୍ପ ନିର୍ମାଣର କାର୍ଯ୍ୟକ୍ଷମ ନେଇ ମାନ୍ୟବର ବିଧାୟକ ଅନୁଗୁଳଙ୍କ ଆଗତ ପ୍ରସ୍ତାବକୁ କେନ୍ଦ୍ର ଜଳ ଆୟୋଗର ମୋହର । ଓଡିଶା ବିଧାନସଭାର ପ୍ରଶ୍ନକାଳରେ ଅନୁଗୁଳର ମାନ୍ୟବର ବିଧାୟକ ଶ୍ରୀଯୁକ୍ତ ପ୍ରତାପ ଚନ୍ଦ୍ର ପ୍ରଧାନ ଅନୁଗୋଳ ବ୍ଲକ ବନ୍ତଳା ଅଞ୍ଚଳର କରଡାସିଂହ ଗ୍ରାମରେ ହିଡସିଂହ ଜଳ ପ୍ରକଳ୍ପର ନିର୍ମାଣ କାର୍ଯ୍ୟକାରିତା ନେଇ ମାନ୍ୟବର ବାଚସ୍ପତିଙ୍କ ମାଧ୍ୟମରେ ମନ୍ତ୍ରୀ ଶ୍ରୀଯୁକ୍ତ ରବିନାରାୟଣ ନାଏକଙ୍କୁ ପ୍ରଶ୍ନ କରିଥିଲେ । ବନ୍ତଳା ଅଞ୍ଚଳର ଦୀର୍ଘ ଦିନ ଧରି ହେଇଆସିଥିବା ଦାବିକୁ ଆଜି କେନ୍ଦ୍ର ଜଳ ଆୟୋଗ ଅନୁମତି ପ୍ରଦାନ କରିଛନ୍ତି । ଶ୍ରୀଯୁକ୍ତ ପ୍ରଧାନ ଏହି ପ୍ରକଳ୍ପର କାର୍ଯ୍ୟ ଯଥା ଶୀଘ୍ର କାର୍ଯ୍ୟକ୍ଷମ କରିବାନେଇ ଆଶାବ୍ୟକ୍ତ କରିଛନ୍ତି । ଏବଂ ଶ୍ରୀଯୁକ୍ତ ପ୍ରଧାନ ବନ୍ତଳା ଅଞ୍ଚଳର ବହୁ ବର୍ଷର ଆଶା ପୁରଣ କରାଯିବା ନେଇ କେନ୍ଦ୍ର ସରକାରଙ୍କୁ ଅଶେଷ ଧନ୍ୟବାଦ ଅର୍ପଣ କରିଛନ୍ତି । ଏହି ପ୍ରକଳ୍ପ କାର୍ଯ୍ୟକ୍ଷମ ହେଲେ ବନ୍ତଳା ଅଞ୍ଚଳର ୨୭ ଟି ଗ୍ରାମର ୨୯୫୮.୦୦ ଏକର ଚାଷଜମି ଜଳସେଚିତ ହେବା ସଙ୍ଗେ ସଙ୍ଗେ ୧୬୮ଟି ଗାଁ କୁ ପାନୀୟଜଳ ଯୋଗାଇଦିଆଯିବ ଏବଂ ୫୦,୦୦୦ ଜନସାଧାରଣ ଉପକୃତ ହେବେ ବୋଲି କହି ଛନ୍ତି । ଏହି ଖବର ପାଇ ସାରା ବନ୍ତଳା ଅଞ୍ଚଳରେ ଖୁସିର ଲହର ଖେଳିଯାଇଛି ।
Advertisement
