ଅନୁଗୁଳ – ଅନୁଗୁଳ ସହର ବିଇଡି କଲେଜ ପଛ ପାଖରେ ଥିବା ବସ୍ତିରେ ଚାଲିଥିବା ଏକ ଜୁଆ ଆଡା ଉପରେ ଆଜି ଅନୁଗୁଳ ପୋଲିସ ଚଢ଼ାଉ କରି ୬ ଜଣ ଜୁଆଡିଙ୍କୁ ଗିରଫ କରିଥିବା ବେଳେ ସେମାନଙ୍କ ନିକଟରୁ ଟଙ୍କା , ମୋଟରସାଇକେଲ , ମୋବାଇଲ ସହ ଜୁଆ ସାମଗ୍ରୀ ଜବତ କରିଛି । ସୂଚନା ଅନୁସାରେ ବିଇଡି କଲେଜ ପଛ ପାଖରେ ଥିବା ଏକ ବସ୍ତିରେ ଜୁଆ ଆଡା ଚାଲିଥିବା ଅନୁଗୁଳ ପୁଲିସ ଖବର ପାଇ ସନ୍ଧ୍ୟାରେ ଚଢ଼ାଉ କରିଥିଲା । ଚଢ଼ାଉ ବେଳେ ଏକ ସ୍ଥାନରେ ଜରି ପାଲ ପକାଇ ଜୁଆଡି ମାନେ ଜୁଆ ଖେଳୁଥିବା ଦେଖି ପୁଲିସ ୬ ଜଣଙ୍କୁ କାବୁ କରି ନେଇଥିଲା । ସେମାନେ ହେଲେ ଖାଲାରୀ ବିଶ୍ୱାଳସାହିର ସୁଶାନ୍ତ ନାୟକ , ମଦନମୋହନପଡ଼ାର ଆନନ୍ଦ ସାହୁ , ସେହି ବସ୍ତିର ମିଥୁନ ବେହେରା , ସଞ୍ଜୟ ବାରିକ , ଚିନ୍ମୟ ଜଗଦଳା , ତୁମସିଂହର ସହଦେଵ ଗୋଛୟତ । ସେମାନଙ୍କ ନିକଟରୁ ୧୭ ହଜାର ୫୨୦ ଟଙ୍କା ଜବତ ହୋଇଥିଲା । ଏହା ସହ ଜୁଆଡି ମା ଏ ବ୍ୟବହାର କରୁଥିବା ତାସ , ଜରିପାଲ ସମେତ ଦୁଇଟି ମୋଟରସାଇକେଲ , ଗୋଟିଏ ସ୍କୁଟି ଓ ୬ ଟି ମୋବାଇଲ ଫୋନ ଜବତ କରା ଯାଇଥିଲା । ପୁଲିସ ୬ ଜୁଆଡିଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Advertisement
