ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା କେରଜାଙ୍ଗ ଗାଁରୁ ବିଳମ୍ବିତ ରାତିରେ ବିପୁଳ ପରିମାଣର ଚୋରା ବନ୍ଧୁକ ଓ ଗୁଳି ଜବତ କରିବା ସହ ଜଣଙ୍କୁ ଗିରଫ କରିଛି ଏସଟିଏଫ । ସୂଚନା ଅନୁସାରେ ଅନେକ ଦିନ ହେଲା ଛେଣ୍ଡିପଦା ଅଞ୍ଚଳରେ ବେଆଇନ ଭାବେ ଅସ୍ତ୍ରଶସ୍ତ୍ର ବିକ୍ରି ହେଉଥିବାର ସୂଚନା ମିଳିଥିଲା । ଆଉ ଗତକାଲି ସଠିକ ସୂଚନା ମିଳିବା ପରେ ଅନୁଗୁଳ ଛେଣ୍ଡିପଦା ପୁଲିସ ସହାୟତାରେ ଏସଟିଏଫ୍ କେରଜାଙ୍ଗ ଗାଁରେ ଚଢାଉ କରିଥିଲା । ଚାଢାଉ ବେଳେ ଏକ ଘରୁ ୮ଟି ଦେଶୀ ବନ୍ଧୁକ ଓ ବିପୁଳ ପରିମାଣର ଗୁଳି ଜବତ ସହିତ ରତ୍ନାକର କାଲଟା ନାମକ ବ୍ୟକ୍ତିକୁ କାବୁ କରାଯାଇଛି । ରତ୍ନାକରର ଘର ସମ୍ବଲପୁର ଜିଲ୍ଲା ସରପାଲି ଅଞ୍ଚଳରେ ହୋଇଥିବା ବେଳେ ଗତ କିଛିଦିନ ହେଲା ଏଠାରେ ରହି ତାର ଚୋରା ବନ୍ଧୁକ ବେପାର ବଢାଇ ଚାଲିଥିଲା । ଏନେଇ ଛେଣ୍ଡିପଦା ଥାନାରେ ମାମଲା ରୁଜୁ ହୋଇଛି ।
Advertisement
