adv-
ଭୁବନେଶ୍ୱର – କୋଭିଡ-୧୯ ମହାମାରୀର ମୁକାବିଲା ନିମନ୍ତେ ବହୁମୁଖୀ ପଦକ୍ଷେପ ପାଇଁ ଅଗ୍ରଣୀ ଇସ୍ପାତ ନିର୍ମାତା ଜିନ୍ଦଲ ଷ୍ଟିଲ ଏଣ୍ଡ ପାୱାର (ଜେଏସପି) କୁ ସିଏସଆର ଉତ୍କର୍ଷ ପୁରସ୍କାରରେ ସମ୍ମାନିତ କରାଯାଇଛି । ମୁମ୍ବାଇର ଯଶବନ୍ତରାଓ ଚଭନ କେନ୍ଦ୍ରରେ ଗତକାଲି ଆୟୋଜିତ ହୋଇଥିବା ସିଏସଆର ଜର୍ଣ୍ଣାଲ ଏକ୍ସଲେନ୍ସ ଆୱାର୍ଡର ଚତୁର୍ଥ ସଂସ୍କରଣ କାର୍ଯ୍ୟକ୍ରମରେ ମହାରାଷ୍ଟ୍ରର ମାନ୍ୟବର ରାଜ୍ୟପାଳ ଶ୍ରୀ ଭଗତ ସିଂ କୋଶ୍ୟାରୀ ଏହି ସମ୍ମାନଜନକ ପୁରସ୍କାର ଜେଏସପିର ପ୍ରେସିଡେଣ୍ଟ ତଥା ଗୃପ ହେଡ୍ (ସିଏସ୍ଆର୍) ଶ୍ରୀ ପ୍ରଶାନ୍ତ ହୋତାଙ୍କୁ ପ୍ରଦାନ କରିଥିଲେ । ଏହି ଅବସରରେ ସିଏସ୍ଆର୍ ଜର୍ଣ୍ଣାଲର ମୁଖ୍ୟ ସମ୍ପାଦକ ଶ୍ରୀ ଅମିତ ଉପାଧ୍ଯାୟ ମଧ୍ୟ ଉପସ୍ଥିତ ଥିଲେ । ପୁରସ୍କାର ଗ୍ରହଣ କରି ଶ୍ରୀ ହୋତା କହିଥିଲେ ଯେ, “ଏହି ପୁରସ୍କାର ଆଗଧଡିର ସମସ୍ତ କୋଭିଡ-୧୯ ଯୋଦ୍ଧା , ସ୍ଥାନୀୟ ଜନସାଧାରଣ ତଥା ଜେଏସପିର ଚେୟାରମ୍ୟାନ୍ ଶ୍ରୀ ନବୀନ ଜିନ୍ଦଲ ଏବଂ ଜେଏସପିଏଲ ଫାଉଣ୍ଡେସନର ଚେୟାରପର୍ସନ୍ ଶ୍ରୀମତୀ ଶାଲୁ ଜିନ୍ଦଲଙ୍କ ନେତୃତ୍ଵ ପାଇଁ ଉତ୍ସର୍ଗୀକୃତ” । ପୁରସ୍କାର ପାଇଁ ସେ ସିଏସ୍ଆର୍ ଜର୍ଣ୍ଣାଲ ଏବଂ ଜୁରିଙ୍କୁ ଧନ୍ୟବାଦ ପ୍ରଦାନ କରିଥିଲେ । ଏକ ସ୍ଵାଧୀନ ଜୁରି ମଣ୍ଡଳୀ ଦ୍ୱାରା ବହୁ-ସ୍ତରୀୟ ଚୟନ ପ୍ରକ୍ରିୟାରେ ଜିନ୍ଦଲ ଷ୍ଟିଲ ଆଣ୍ଡ ପାୱାରକୁ ଏହି ପୁରସ୍କାର ପାଇଁ ବିଜୟୀ ଘୋଷିତ କରଯାଇଥିଲା । ଏହି ଅବସରରେ ଜେଏସପିଏଲ ଫାଉଣ୍ଡେସନର ଚେୟାରପର୍ସନ୍ ଶ୍ରୀମତୀ ଶାଲୁ ଜିନ୍ଦଲ କହିଛନ୍ତି ଯେ, “ସ୍ୱାସ୍ଥ୍ୟ, ଅର୍ଥନୀତି ଏବଂ ସମାଜକୁ ପ୍ରଭାବିତ କରିଥିବା କୋଭିଡ-୧୯ ମହାମାରୀ ସମଗ୍ର ମାନବିକତା ପାଇଁ ଏକ ଆହ୍ଵାନ । ଏକ ଦାୟିତ୍ଵପୂର୍ଣ୍ଣ କର୍ପୋରେଟ ଭାବରେ ଜିନ୍ଦଲ ଷ୍ଟିଲ ଏଣ୍ଡ ପାୱାର ତାହାର ସାମାଜିକ ଅନୁଷ୍ଠାନ ଜେଏସପିଏଲ୍ ଫାଉଣ୍ଡେସନର ସହଯୋଗରେ କୋଭିଡ-୧୯ ମହାମାରୀ ସମୟରେ ଗରିବ ତଥା ଅସହାୟ ଲୋକଙ୍କୁ ଖାଦ୍ୟ ଯୋଗାଇବା, ସ୍ୱାସ୍ଥ୍ୟ ସେବା ସୁବିଧା କରିବା ଏବଂ ବିଭିନ୍ନ ଡାକ୍ତରଖାନାକୁ ତରଳ ମେଡିକାଲ୍ ଅମ୍ଳଜାନ ଯୋଗାଇବା ଭଳି ବହୁବିଧ ଉଦ୍ୟମ କରିଥିଲା । ଏହି ସମ୍ମାନଜନକ ପୁରସ୍କାର ପାଇଁ ମୁଁ ସିଏସ୍ଆର୍ ଜର୍ଣ୍ଣାଲ, ଜୁରି ମଣ୍ଡଳୀ, ମୋର ସିଏସ୍ଆର୍ ଟିମ୍ ଏବଂ ସ୍ଥାନୀୟ ଜନସାଧାରଣଙ୍କୁ ଧନ୍ୟବାଦ ଜଣାଉଛି” । ମାର୍ଚ୍ଚ ୨୦୨୦ରେ ଲକଡାଉନ ଘୋଷଣା ହେବ ପରଠାରୁ ଜେଏସପିଏଲ୍ ଫାଉଣ୍ଡେସନ ତାର ‘ମିସନ ଜିରୋ ହଙ୍ଗର’ କାର୍ଯ୍ୟକ୍ରମରେ ଓଡିଶା, ଛତିଶଗଡ ଏବ ଝାରଖଣ୍ଡର ବିଭିନ୍ନ ଅଞ୍ଚଳରେ ଟ୍ରକ୍ ଡ୍ରାଇଭର, ପ୍ରବାସୀ ଶ୍ରମିକ, ଗରିବ ଏବଂ ଅନ୍ୟାନ୍ୟ ଲୋକମାନଙ୍କୁ ମାଗଣା ରନ୍ଧା ଏବଂ ଶୁଖିଲା ଖାଦ୍ୟ ଯୋଗାଇ ଦେଇଥିଲା । ପରବର୍ତ୍ତୀ ପର୍ଯ୍ୟାୟରେ ଏହି ସେବାକୁ ଦିଲ୍ଲୀ, ଉତ୍ତରପ୍ରଦେଶ ଏବଂ ମହାରାଷ୍ଟ୍ରକୁ ସଂପ୍ରସାରଣ କରି ଜେଏସପିଏଲ୍ ଫାଉଣ୍ଡେସନ ସମୁଦାୟ ୧୦ ଲକ୍ଷରୁ ଅଧିକ ଭୋଜନ (ମିଲ) ବଣ୍ଟନ କରିଛି । ମହାମାରୀର ଦ୍ୱିତୀୟ ଲହର ସମୟରେ, ଜିନ୍ଦଲ ଷ୍ଟିଲ ଏଣ୍ଡ ପାୱାର ସଡକ ଏବଂ ଅମ୍ଳଜାନ ଏକ୍ସପ୍ରେସ ମଧ୍ୟମରେ ୧୩ଟି ରାଜ୍ୟର ବିଭିନ୍ନ ଡ଼ାକ୍ତରଖାନାକୁ ୫୦୦୦ ଟନରୁ ଅଧିକ ତରଳ ମେଡିକାଲ୍ ଅମ୍ଳଜାନ ଯୋଗାଇଦେଇଥିଲା । ଏହା ସହିତ ରାଜ୍ୟ ମଧ୍ୟରେ ତରଳ ମେଡିକାଲ୍ ଅମ୍ଳଜାନ ପରିବହନ ପାଇଁ ଓଡିଶା ସରକାରଙ୍କୁ ଦୁଇଟି କ୍ରାୟୋଜେନିକ୍ ଟ୍ୟାଙ୍କର୍ ଯୋଗାଇ ଦେଇଥିଲା ବୋଲି କମ୍ପାନୀ ପକ୍ଷରୁ ସୂଚନା ମିଳିଛି । ମହାମାରୀ ସମୟରେ ସ୍ୱାସ୍ଥ୍ୟ ସେବାକୁ ସୁଦୃଢ କରିବା ପାଇଁ ଛତିଶଗଡର ରାଇଗଡ ଏବଂ ତମନାର୍ ରେ ଥିବା ଏହାର ଫୋର୍ଟିସ୍ ଓପି ଜିନ୍ଦଲ ହସପିଟାଲ୍ ଏବଂ ରିସର୍ଚ ସେଣ୍ଟର ଓ ଅନୁଗୁଳରେ ସ୍ଵତନ୍ତ୍ର କୋଭିଡ କେୟାର ସେଣ୍ଟରରେ ଜିନ୍ଦଲ ଷ୍ଟିଲ ଏଣ୍ଡ ପାୱାର ୬୦୦ ଅମ୍ଳଜାନ ସଂଯୁକ୍ତ ଶଯ୍ୟା ବ୍ୟବସ୍ଥା କରିଛି । ଏହି ଚିକିତ୍ସାଳୟରେ ଆଇସିୟୁ, ଭେଣ୍ଟିଲେଟର ଏବଂ ଅନ୍ୟାନ୍ୟ ସୁବିଧା କରାଯାଇଛି । ବ୍ୟତୀତ ଫାଉଣ୍ଡେସନ ପକ୍ଷରୁ ସ୍ଥାନୀୟ ଜନସାଧାରଣ ଏବଂ ଫ୍ରଣ୍ଟ ଲାଇନ କୋଭିଡ-୧୯ ଯୋଦ୍ଧାମାନଙ୍କ ମଧ୍ୟରେ ଲକ୍ଷ ଲକ୍ଷ ଫେସମାସ୍କ ଏବଂ ହଜାର ହଜାର ଲିଟର ସାନିଟାଇଜର ବଣ୍ଟନ କରଯାଇଥିଲା । କୃଷକ ଏବଂ ସ୍ଵୟଂ ସହାୟକ ଗୋଷ୍ଠୀ ମହିଳାମାନଙ୍କର ଦ୍ଵାରା ଉତ୍ପାଦନ କରାଯାଉଥିବା ବିଭିନ୍ନ ସାମଗ୍ରୀର କ୍ରୟ ପାଇଁ ଏକାଧିକ ଟାଇ-ଅପ୍ ବ୍ୟବସ୍ଥା ଦ୍ୱାରା ସେମାନଙ୍କର ରୋଜଗାରକୁ ସୁରକ୍ଷିତ ରଖିବାରେ ଜେଏସପିଏଲ ଫାଉଣ୍ଡେସନ ସହାୟତା କରିଥିଲା ।
Advertisement
